الماتىدا قازاق كاسىپكەرلەرىن بىرىكتىرگەن سانا بيزنەس فورۋمى ءوتىپ جاتىر.
تەك قازاق تىلىندە ۇيىمداستىرىلعان بۇل فورۋم بيزنەس جانە ءتۇرلى سالا وكىلدەرىن جيناپ، ەكىنشى رەت وتكىزىلۋدە.
فورۋم الماتىداعى «InterContinental» قوناق ۇيىندە ءوتىپ جاتىر جانە وعان ءارتۇرلى سالادا تابىسقا جەتكەن 400-گە جۋىق قازاق كاسىپكەرلەرى قاتىسۋدا. ولار «دامۋ»، «يننوۆاسيا» جانە «سەرپىلىس» اتتى ءۇش نەگىزگى تاقىرىپ توڭىرەگىندە قازىرگى كاسىپكەرلىك ماسەلەلەرىن تالقىلاۋدا. بۇل تالقىلاۋلار كاسىپكەرلىكتەگى ەڭ جاڭا ۇردىستەردەن باستاپ، جۇيەلى بيزنەس قۇرۋ تاجىريبەلەرىمەن الماسۋعا باعىتتالعان.
ءار سەسسيانىڭ سپيكەرلەرى ءوز سالالارىنداعى تىڭ يدەيالار مەن تاجىريبەلەرىن ءبولىسىپ، جاھاندىق سىن-قاتەرلەر مەن مۇمكىندىكتەر جايلى پىكىر الماسادى.
«الماتى اقشامى» گازەتىنە بەرگەن سۇحباتىندا جوبا جەتەكشىلەرىنىڭ ءبىرى ماقسات حالىق، «سانا فورۋمى ارقىلى قازاق كاسىپكەرلەرىن بىرىكتىرىپ، ەلگە قىزمەت ەتەتىن ۇلتتىق بۋرجۋازيانى قالىپتاستىرۋدى» ماقسات تۇتقاندارىن اتاپ وتكەن ەدى.
ايتا كەتەيىك، فورۋم بۇگىن كەشكە دەيىن جالعاسادى. اۋقىمدى شارا اياسىندا وتاندىق كاسىپكەرلەردىڭ كورمەسى جانە ءتۇرلى ويىن-ساۋىق باعدارلامالارى دا ۇيىمداستىرىلعان.