الماتىدا سالماعى بەس كەلىدەن اساتىن نارەستە دۇنيەگە كەلدى

بۇل - وسىنداي سالماقپەن تۋىلعان ەكىنشى ءسابي.

N2 قالالىق پەرزەنتحاناعا 32 جاستاعى ايەل جۇكتىلىكتىڭ 39 اپتاسىندا پاتولوگيا بولىمىنە ءتۇستى. تۇسكەننەن كەيىن تولعاعى ۇستاعان ايەل شۇعىل بوسانىپ، سالماعى 5328 گرامم، بويى 60 سم نارەستەنى دۇنيەگە اكەلدى، - دەپ حابارلايدى Almaty-akshamy.kz الماتى قالالىق قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتىنە سىلتەمە جاساپ. 

ءۇشىنشى بالاسىن بوسانعان ايەل ءتىپتى ءسابيدىڭ ولشەمدەرى تۋرالى بىلمەدى. بۇرىنعى ۋلترادىبىستىق زەرتتەۋدە سالماعى 3500-3800 گرامم بولعان. 

«مۇنداي جاعدايلار وتە سيرەك كەزدەسەدى. ايەل ەش قيىندىقسىز بوساندى. قازىرگى ۋاقىتتا اناسى مەن جاڭا تۋعان نارەستەنىڭ جاعدايى جاقسى، ولار ۇيلەرىنە شىعارىلدى. ولار پەرزەنتحانادا ءۇش-اق كۇن جاتتى»، - دەيدى باس دارىگەردىڭ ورىنباسارىنىڭ مىندەتىن اتقارۋشى كۋرەنوۆا گۋلنار. 

ءوز كەزەگىندە ەمدەلۋشى اۋرۋحانانىڭ بارلىق قىزمەتكەرلەرىنە العىسىن ءبىلدىردى. 

«مەن ءوزىم قىزىمنان مۇنداي سالماقتى كۇتپەدىم. №2 پەرزەنتحانانىڭ باس دارىگەرىنەن باستاپ بارلىق مەدبيكەلەرىنە دەيىن - بارشا ۇجىمعا شەكسىز العىسىمدى بىلدىرەمىن! مۇندا كاسىبي ماماندار جۇمىس ىستەيدى. بولمەلەرى تاپ-تازا، تاماعى ءدامدى. ماماندارى ءوز ىسىنە اسقان جاۋاپكەرشىلىكپەن قارايدى. بارشاڭىزعا زور دەنساۋلىق، ەڭبەكتەرىڭىزگە تابىس تىلەيمىن»، - دەدى جاس انا. 

ەسكە سالايىق، بۇل N2 قالالىق پەرزەنتحانادا سالماعى 5 كەلىدەن اساتىن نارەستە دۇنيەگە كەلگەن ەكىنشى جاعداي بولىپ وتىر. سونىمەن، مامىر ايىندا پەرزەنتحانا قىزمەتكەرلەرى بوسانىپ، ناتيجەسىندە سالماعى 6020 گرامم قىز بالا دۇنيەگە كەلگەن.