الماتى قالاسىنىڭ ەكولوگيا جانە قورشاعان ورتا باسقارماسىنىڭ ەماماندارى سايران سۋ قويماسىنىڭ ءتۇبىن تازارتۋ جۇمىستارىن باستادى.
سۋ قويماسىنىڭ ءتۇبى مەن جاعالاۋىن لايدان، قامىس پەن قوقىستان مەحانيكالىق تازارتۋ جۇرگىزىلۋدە. بۇرىندارى سۋ قويماسىنىڭ ءتۇبىن تازارتۋ جۇمىستارى مۇلدەم جۇرگىزىلمەگەن، دەپ حابارلايدى Almaty-akshamy.kz.
مەحانيكالىق تازالاۋ جوباسى اياسىندا تەرەڭدەتۋ، ەڭىستەردى تۇزەۋ، باتىس جاعالاۋدى رەتتەۋ، جاعاجايدى تازالاۋ مەن سول جاق جاعالاۋداعى ءپيرستى جوندەۋ جۇمىستارى قاراستىرىلعان.
مەحانيكالىق تازارتۋ جۇمىستارىن مامىر ايىنىڭ سوڭىنا دەيىن اياقتاۋ جوسپارلانعان.
سۋ قويماسىنىڭ ءتۇبىن تازارتۋ جۇمىستارىنىڭ جالپى اۋماعى 162 مىڭ شارشى مەتردى قۇرايدى. ال، تازارتۋ جۇمىستارىمەن 35 جۇمىسشى اينالدىساتىن بولادى.
اعىمداعى جىلدىڭ ءساۋىر ايىندا وسىعان ۇقساس تازارتۋ جۇمىستارىن اۋەجاي جانە قاراسۋ وزەندەرىندە دە جۇرگىزۋ جوسپارلانۋدا.