الماتىدا سايران كولىنىڭ ماڭىنان قارۋ-جاراق قويماسى تابىلدى

سايران كولىنىڭ ماڭىنان تاعى ءبىر قارۋ-جاراق قويماسى تابىلدى.

قويما قالانىڭ المالى اۋدانىندا سىنعان، قۇرعاق بۇتاقتاردىڭ استىنان تابىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.

“قارۋ” رەسپۋبليكالىق جەدەل الدىن الۋ ءىس-شاراسىن وتكىزۋ بارىسىندا الماتى قالاسى بويىنشا لا-155/13 قاجد مەكەمەسىنىڭ جەدەل توبىنىڭ قىزمەتكەرلەرى المالى اۋداندىق پب-عا قاراستى پوليسيا ءبولىمىنىڭ قىزمەتكەرلەرىمەن بىرگە ۆارلاموۆ كوشەسى بويىنان، سايران كولىنە قاراي، باتىس باعىتتا قۇرعاق بۇتاقتاردىڭ استىنداعى بۇتالاردىڭ اراسىنان قارۋ-جاراق پەن وق-دارىلەردىڭ قويماسى تابىلدى. ماسەلە 12 كاليبرلى، ەكى تەگىس ۇڭعىلى اڭشى مىلتىعى، پم گاز تاپانشاسى، سونىمەن قاتار وقتار تۋرالى بولىپ وتىر، - دەدى الماتى قالاسى بويىنشا لا-155/13 قاجد مەكەمەسىنىڭ جەدەل ۋاكىلى راحات نۇربەكوۆ.

الدىن الا مالىمەت بويىنشا، تابىلعان قارۋلار بيىلعى جىلدىڭ قاڭتار ايىنداعى جاپپاي تارتىپسىزدىكتەر كەزىندە ۇرلانعان. ونىڭ ناقتى كىمدىكى ەكەندىگى ساراپتامادان كەيىن انىقتالاتىن بولادى. اتالعان دەرەك بويىنشا ق ر قك-نىڭ 287-بابى 2-بولىگىنە سايكەس سوتقا دەيىنگى تەرگەۋ امالدارى باستالدى.