بۇل تۋرالى سايلاۋ بويىنشا جالپىقالالىق باسپا ءسوز ورتالىعىنىڭ الاڭىندا باقىلاۋشىلار مەكتەبىنىڭ باسشىسى الەكساندر براتەنكوۆ ايتتى.
ونىڭ ايتۋىنشا، ارالاس داۋىس بەرۋ جۇيەسىن ەسكەرسەك، بۇل سايلاۋدىڭ ماڭىزى زور. باقىلاۋشىلار ميسسياسى ءادىل جانە اشىق سايلاۋ وتكىزۋگە كەدەرگى كەلتىرەتىن كەز كەلگەن قۇقىق بۇزۋشىلىقتاردى باقىلاۋ، تۇزەتۋ جانە الدىن الۋ بولىپ تابىلادى، دەپ حابارلايدى Almaty-akshamy.kz.
«سايلاۋ تەك كانديداتتارعا، داۋىس بەرۋشىلەرگە عانا ەمەس، تاۋەلسىز باقىلاۋشىلارعا دا جاۋاپكەرشىلىك جۇكتەيدى. مەن جانە ارىپتەستەرىم تاۋەلسىز باقىلاۋشىلاردى تاڭداپ، وقىتتىق. تاۋەلسىز بايقاۋشىلاردىڭ قۇرامىنا ءارتۇرلى ادامدار كىردى. ولار - جاستار، جاس ساناتىنداعى ادامدار جانە ءارتۇرلى الەۋمەتتىك توپتار»، - دەپ ءبولىستى سپيكەر.
ونىڭ ايتۋىنشا، الماتىدا سايلاۋدى باقىلاۋ بويىنشا 8 قوعامدىق ۇيىم اككرەديتاسيادان ءوتتى.
«بايقاۋشىلاردىڭ ءبارى بىردەي سايلاۋ پروسەسىن ساۋاتتى جانە بىلىكتى تۇردە باقىلاي المايدى. مىنە سول سەبەپتى، الماتىدا «داۋىس» قوعامدىق باقىلاۋشىلار كواليسياسىنىڭ باستاماسىمەن بايقاۋشىلار مەكتەبى قۇرىلدى – بۇل رەسپۋبليكالىق قوعامدىق بىرلەستىك»، - دەپ ءبولىستى سپيكەر.
سونداي-اق، باقىلاۋشىلاردى دايىنداۋ بارىسىندا اقپاراتتىق جۇمىس پەن الەۋمەتتىك جەلىدەگى جۇمىسقا كوڭىل ءبولىندى، دەپ اتاپ ءوتتى باقىلاۋشىلار مەكتەبىنىڭ ترەنەرى ساۋلە الپىسوۆا.
«اقپاراتپەن جۇمىس ىستەۋ، اتاپ ايتقاندا اقپاراتتى دۇرىس جەتكىزۋ جانە الەۋمەتتىك جەلىلەردە جۇمىس ىستەۋ بويىنشا ترەنينگ وتكىزدىم. اقپاراتپەن تەك جۋرناليستەر عانا ەمەس، باقىلاۋشىلار دا جازىپ، جۇمىس ىستەي ءبىلۋى كەرەك»، - دەدى ول.
جالپى، الماتىدا سايلاۋ بارىسى شتاتتىق رەجيمدە وتۋدە. باقىلاۋشىلار وكىلدەرىنىڭ ايتۋىنشا، ۋچاسكەلەردى ايتارلىقتاي زاڭبۇزۋشىلىقتار تىركەلگەن جوق