جەتىسۋ اۋدانىنداعى №43 مەكتەپتە ورنالاسقان №343 سايلاۋ ۋچاسكەسىندە ەكى عاسىردىڭ كۋاسى قانشا جاقسىبايەۆا داۋىس بەردى. كەيۋانانى سايلاۋ ۋچاسكەسىنە قىزى كەنجە ارنايى كولىكپەن الىپ كەلدى.
شاھارىمىزدىڭ ەڭ قارت تۇرعىنى قانشا جاقىباي قىزى 1916 جىلى 18 شىلدەدە دۇنيەگە كەلگەن. بۇل كۇندە 26 نەمەرە، 36 شوبەرە،19 شوپشەك كورىپ وتىر. جاستايىنان تاعدىر تاۋقىمەتىن تارتىپ، ءومىردىڭ بار بەلەسىنەن ءوتتى. ۇزاق جىلدار بويى كولحوزدىڭ قىزىلشاسىن ەكتى. قوي باقتى، سيىر ساۋىپ، ساۋىنشى دا بولدى. قارا جۇمىستىڭ بارلىعىن اتقارىپ، جۇمىسشى بولدى. ناعىز ەڭبەك ادامى اتاندى.
– ەلىمىزدەگى ساياسي ناۋقاننان مەنىڭ دە قالىس قالعىم كەلمەدى. سوندىقتان، سايلاۋ كوميسسياسىنا ءوتىنىش ءبىلدىرىپ، سايلاۋدى كوزىممەن كورىپ قاتىسايىن دەپ شەشتىم. مەنىڭ داۋسىمنىڭ از دا بولسا، ەلىمىزدىڭ وركەندەۋىنە سەبى تيەر دەپ ويلايمىن. مەن كەلەشەك ءۇشىن داۋىس بەردىم، - دەيدى قالامىزدىڭ قارت تۇرعىنى.