سايلاۋ ۋچاسكەلەرىن تەكسەرەتىن almaty_sailau2023_bot Telegram-بوتى ىسكە قوسىلدى.
اۋماقتىق سايلاۋ كوميسسياسى ءتوراعاسىنىڭ ورىنباسارى اسەت تۇماتوۆ الماتىلىقتارعا سايلاۋ ۋچاسكەسىن قالاي تابۋعا بولاتىنىن ايتتى، دەپ حابارلايدى Almaty-akshamy.kz
الماتىلىقتار سايلاۋ ۋچاسكەسىن ەكى ءتاسىل ارقىلى بىلە الادى: Telegram بوت نەمەسە ءبىرىڭعاي call-ورتالىق.
"بىرىنشىدەن، ءبىز Telegram بوتىن ىسكە قوستىق. بۇرىنعى سايلاۋ ناۋقاندارى مەن رەفەرەندۋمدار كورسەتكەندەي، بۇل – وتە ءتيىمدى ءادىس. قالادا سايلاۋ ۋچاسكەلەرىن تەكسەرەتىن almaty_sailau2023_bot Telegram-بوتى ىسكە قوسىلدى. سونداي-اق 1315 ءنومىرى بويىنشا ءبىرىڭعاي بايلانىس ورتالىعى اشىلدى. بۇل ەكى رەسۋرس سايلاۋ ۋچاسكەڭىزدى انىقتاۋعا مۇمكىندىك بەرەدى"، - دەدى اۋماقتىق سايلاۋ كوميسسياسى ءتوراعاسىنىڭ ورىنباسارى اسەت تۇماتوۆ.
ورتالىق كوممۋنيكاسيالار قىزمەتىندە وتكەن بريفينگتە الماتى قالالىق سايلاۋ كوميسسياسىنىڭ ءتورايىمى ايگۇل قالىقوۆا ءبىر مانداتقا ورتا ەسەپپەن 10 ادام ۇمىتكەر بوپ وتىرعانىن ايتتى.
19 ناۋرىزدا قازاقستاندا ءماجىلىس پەن ءماسليحات دەپۋتاتتارىن سايلاۋ وتەدى.
پارلامەنت ءماجىلىسى 98 دەپۋتاتتان تۇرادى. الداعى كەزەكتەن تىس سايلاۋدا 69 دەپۋتات پارتيالىق ءتىزىم بويىنشا، 29 دەپۋتات ءبىر مانداتتى اۋماقتىق وكرۋگتەردەن سايلانادى.