حالىقتى تەگىن ەمدەۋگە مۇمكىندىك تۋادى.
الماتىدا رەسپۋبليكالىق ريەۆماتولوگيالىق ورتالىق اشىلادى. بۇل تۋرالى قازاق ريەۆماتولوگيا القاسىنىڭ پرەزيدەنتى عالىمجان توعىزبايەۆ بۇگىن وتكەن VI ەۋرازيالىق ريەۆماتولوگتار كونگرەسىندە مالىمدەدى، دەپ حابارلايدى Almaty-akshamy.kz Almaty.tv سىلتەمە جاساپ.
يگى باستاما دەنساۋلىق ساقتاۋ مينيسترلىگى تاراپىنان قولداۋ تاۋىپ، ءقازىر ونى جۇزەگە اسىرۋ ماسەلەلەرى تالقىلانىپ جاتىر. جوبانىڭ نەگىزگى ماقساتى – قازاقستاندا بۇل سالانى دامىتۋ. تاۋەلسىز مەملەكەتتەر دوستاستىعى ەلدەرىنىڭ ماماندارى قاتىسقان جيىندا ءبىلىم مەن عىلىم جاعىنان تاجىريبە الماسۋ كوزدەلىپ وتىر.
«وسى جيىننان كەيىن جاڭا ورتالىق اشىلادى. جاڭا تەحنولوگيالاردى ەلگە كىرگىزەمىز. ەندى مەملەكەت تاراپىنان قولداۋعا يە بولىپ، حالىقتى تەگىن ەمدەۋگە مۇمكىندىك تۋادى. جاڭا تەحنولوگيالار ريەۆماتويدتى ارتريت اۋرۋلارىن ەمدەيدى»، – دەدى ق ر دەنساۋلىق ساقتاۋ مينيسترلىگىنىڭ شتاتتان تىس باس ريەۆماتولوگى عالىمجان توعىزبايەۆ.
القالى جيىنعا ەۋروپا مەن ازيا ەلدەرىنىڭ جەتەكشى پروفەسسورلارى دا ونلاين قاتىسىپ، تاجىريبەلەرىن ءبولىستى. وتاندىق ريەۆماتولوگتار كادر دايارلاۋ ماسەلەسىنە ەرەكشە توقتالدى. ويتكەنى، ءقازىر ەلىمىزدە يممۋندىق-قابىنۋ ريەۆماتيكالىق اۋرۋلارى بار 861 مىڭ 178 پاسيەنت تىركەلگەن ەكەن. ال ولاردى ەمدەيتىن دارىگەرلەر از. ۇيىمداستىرۋشىلاردىڭ سوزىنشە، رەسپۋبليكالىق ريەۆماتولوگيالىق ورتالىقتىڭ ىسكە قوسىلۋى – مامان تاپشىلىعىن جويۋعا مۇمكىندىك بەرەدى.
«ءبىرىنشى – بىزدە ماماندار جەتىسپەيدى. ەكىنشى – بۇل وتە كۇردەلى اۋرۋ. ول ءۇشىن ۇلكەن زەردەلى زەرتحانالار كەرەك. ويتكەنى، ول ءبىر نارسەمەن بىتە قويمايدى»، – دەدى مەديسينا عىلىمدارىنىڭ دوكتورى، پروفەسسور ءۋاليحان ءجۇسىپ.