الماتىداعى «FORUM» ساۋدا ويىن-ساۋىق ورتالىعىندا گەيمينگ، كيبەرسپورت جانە سيفرلىق مادەنيەت جانكۇيەرلەرىنە ارنالعان Almaty Cyber Games Media & Cup – 2025 وتۋدە.
جوبا ءۇشىنشى رەت ۇيىمداستىرىلىپ وتىر جانە قازاقستاننىڭ ورتالىق ازياداعى سيفرلىق سپورت ورتالىعى رەتىندەگى مارتەبەسىن نىعايتىپ كەلەدى.
”بۇگىندە كيبەرسپورت جاي عانا ويىن ەمەس، بۇل – ءتارتىپ پەن تاباندىلىقتى، كوماندالىق رۋح پەن ستراتەگيالىق ويلاۋدى تالاپ ەتەتىن ناعىز سپورت ءتۇرى. سونىمەن قاتار، ول – جاستار ءومىر ءسۇرىپ جاتقان زاماناۋي سيفرلىق مادەنيەتتىڭ ماڭىزدى بولشەگى. وسىنداي تۋرنيرلەرگە قاتىسۋ جاس ۇرپاقتىڭ بولاشاقتا سۇرانىسقا يە بولاتىن داعدىلارىن دامىتىپ قانا قويماي، جاھاندىق مۇمكىندىكتەرگە جول اشادى. كيبەرسپورت جەدەل شەشىم قابىلداۋعا، بىرىگە جۇمىس ىستەۋگە جانە كەز كەلگەن وزگەرىسكە بەيىمدەلۋگە ۇيرەتەدى. بۇل قاسيەتتەر تەك ەكران الدىندا عانا ەمەس، ومىردە دە اسا قاجەت”، — دەيدى تۋرنيرگە قولداۋ كورسەتكەن Halyk قايىرىمدىلىق قورىنىڭ ديرەكتورى ساعىنبەك شۋنكەيەۆ.
ءىس-شاراعا ەلىمىزدىڭ تۇكپىر-تۇكپىرىنەن كەلگەن مىقتى ويىنشىلار مەن جانكۇيەرلەر جينالعان. بيىلعى ەرەكشەلىك – Counter-Strike 2 ويىنى بويىنشا مەديالىق تۋرنيرگە باسا نازار اۋدارىلىپ وتىر. وندا تانىمال بلوگەرلەر، اكتەرلەر، ستريمەرلەر مەن مۋزىكانتتار ب ا ق سىناۋدا.
قاتىسۋشىلار جۇلدە قورى ءۇشىن عانا ەمەس، سونىمەن قاتار، حالىقارالىق دەڭگەيدەگى ACG International تۋرنيرىنە جولداما الۋ ءۇشىن دە جارىسۋدا. تۋرنير Dota 2، Counter-Strike 2 جانە FC 25 سىندى ءۇش نەگىزگى ويىن بويىنشا وتۋدە.
ACG جوباسىنىڭ باستى ماقساتتارىنىڭ ءبىرى – ەلدەگى سيفرلىق ينفراقۇرىلىمدى دامىتۋ. كيبەرسپورت – سيفرلىق ترانسفورماسيانىڭ ماڭىزدى كورسەتكىشى عانا ەمەس، سونىمەن بىرگە IT مەن جاڭا تەحنولوگيالارعا ينۆەستيسيا سالۋعا تارتىمدى سالا.
بۇگىن كەشكە دەيىن بولاتىن ءتۋرنيردى تاماشالاۋدان قالىس قالماڭىزدار. سىزگە سيفرلىق بولاشاقتىڭ اتموسفەراسىنا ەنىپ، زاماناۋي تەحنولوگيانىڭ جەتىستىگىمەن تانىسۋ مۇمكىندىگى تۋىپ تۇر.
ءىس-شارانى iPlay Esports جانە ۇلتتىق ستۋدەنتتىك كيبەرسپورت قاۋىمداستىعى (NESA) الماتى قالاسى اكىمدىگىنىڭ سيفرلاندىرۋ باسقارماسىنىڭ قولداۋىمەن ۇيىمداستىرىپ وتىر.