قازاقستان رەسپۋبليكاسى مادەنيەت جانە اقپارات مينيسترلىگىنىڭ قولداۋىمەن 2023 جىلدىڭ 20-22 قىركۇيەك ارالىعىندا جامبىل اتىنداعى قازاق مەملەكەتتىك فيلارمونياسىندا نۇرعيسا تىلەندييەۆ اتىنداعى رەسپۋبليكالىق ديريجەرلەر كونكۋرسى وتەدى.
كونكۋرستىڭ اشىلۋ سالتاناتى فيلارمونيانىڭ ۇلكەن زالىندا 20-قىركۇيەك كۇنى ساعات 10.00-دە باستالادى.
2023 جىلدىڭ 22ء-شى قىركۇيەك كۇنى ساعات 19.00-دە جامبىل اتىنداعى قازاق مەملەكەتتىك فيلارمونياسىنىڭ ۇلكەن زالىندا كونكۋرس جەڭىمپازدارىنىڭ قاتىسۋىمەن گالا-كونسەرتتىڭ ءوتۋى جوسپارلانىپ وتىر.
كونكۋرستىڭ باستى ماقساتى - قازاقستاندىق ديريجەرلىك مەكتەپتىڭ داستۇرلەرىن ساقتاۋ جانە ودان ءارى دامىتۋ؛ جاڭا ەسىمدەردى شىعارۋ جانە تانىتۋ، ديريجەرلىك ونەر سالاسىندا تالانتتى جاستاردىڭ كاسىبي وسۋىنە جاعداي جاساۋ؛ دارىندى جانە تالانتتى مۋزىكانتتاردى انىقتاۋ جانە ىنتالاندىرۋ، قازاقستاننىڭ مادەني ءيميدجىن ارتتىرۋ.
كونكۋرسقا قازاقستان رەسپۋبليكاسىنىڭ مادەنيەت جانە ونەر سالاسىنداعى 18 بەن 35 جاسقا دەيىنگى ديريجەرلەرى جانە جوعارى وقۋ ورىندارىنىڭ ستۋدەنتتەرى قاتىستى. اتالمىش بايقاۋعا 25 قاتىسۋشىدان ءوتىنىم كەلىپ ءتۇستى، بەلگىلى سەبەپتەرمەن كونكۋرسقا 20 ۇمىتكەر جولداما الدى– استانادان (4)، الماتى (8)، شىمكەنت (2)، پەتروپاۆل (1)، پاۆلودار (1)، ورال (1)، قاراعاندى (1) جانە تالدىقورعان (2). قاتىسۋشىلار جامبىل اتىنداعى قازاق مەملەكەتتىك فيلارمونياسىنىڭ نۇرعيسا تىلەندييەۆ اتىنداعى «وتىرار سازى» اكادەميالىق فولكلورلى-ەتنوگرافيالىق وركەسترىنىڭ سۇيەمەلدەۋىمەن مۋزىكالىق شىعارمالاردى ورىندايدى. كونكۋرس 2 كەزەننەن تۇرادى.
كونكۋرستىڭ ناتيجەسىن 22ء-شى قىركۇيەك كۇنى قۇزىرەتتى قازىلار القاسى قورىتىندىلايدى.
كونكۋرس نوميناسيالارى بويىنشا - گران-پري، ءى ورىن، ءىى ورىن، ءىىى ورىن، ديپلوم جانە«نۇرعيسا تىلەندييەۆتىڭ شىعارمالارىن ۇزدىك ورىنداعانى ءۇشىن» ديپلومى بەلگىلەندى.
2025 جىلى ن.تىلەندييەۆتىڭ ءجۇز جىلدىعى حالىقارالىق جانە رەسپۋبليكالىق دە4گەيدە كەڭىنەن اتالىپ وتەدى دەپ كۇتىلۋدە. 2023 جىلعى بۇل جاس ديريجەرلەر كونكۋرسى قازاقستان رەسپۋبليكاسى مادەنيەت جانە اقپارات مينيسترلىگىنىڭ قولداۋىمەن وسى ايتۋلى ءىس-شارانىڭ قارساڭىندا وتەدى. كونكۋرستىڭ اشىلۋ مەن جابىلۋ سالتاناتىنا قازاقستان رەسپۋبليكاسى مادەنيەت جانە اقپارات مينيسترلىگىنىڭ وكىلدەرى، ب ا ق، زيالى قاۋىم، ايتۋلى مادەنيەت ونەر قايراتكەرلەرى قاتىسادى.