152 اۆتوردان 180-گە تارتا شىعارما قابىلدانعان
بۇگىن جازۋشىلار وداعىنىڭ تورىندە رەسپۋبليكالىق بايقاۋدىڭ جۇلدەگەرلەرى ماراپاتتالدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
بالالار ادەبيەتىنە بويلاعان قاتىسۋشىلار ەرتەگى جانە شاعىن اڭگىمە باعىتىندا سىنعا تۇسكەن ەدى. جالپى 152 اۆتوردان 180-گە تارتا شىعارما قابىلدانىپتى. ونىڭ 41ء-ى ەرتەگى جانرىندا.
«نەگىزىنەن ءبىرىنشى رەت جازىپ تۇرعان اڭگىمەم. جارىسقا دا ءبىرىنشى رەت قاتىسىپ تۇرمىن. جەڭىمپاز بولعانىم، رەسپۋبليكالىق دارەجەدە بايقاۋعا قاتىسىپ، جەڭىمپاز اتانعانىما قۋانىپ تۇرمىن»، – دەدى «التىن ساقا» رەسپۋبليكالىق بايقاۋىنىڭ جۇلدەگەرى دامەتكەن ساعىنبايەۆا.
رەسپۋبليكالىق «التىن ساقا» بايقاۋى بيىل ءبىرىنشى رەت ۇيىمداستىرىلىپ وتىر. ءىس-شارا ءبىر كۇندە دۇنيەگە كەلگەن قازاقتىڭ ءۇش كلاسسيك جازۋشىسى - مۇحتار اۋەزوۆ، ورالحان بوكەي مەن شەرحان مۇرتازانىڭ قۇرمەتىنە ورايلاستىرىلعان.
«بۇل بايقاۋعا 18-35 جاس ارالىعىنداعى جاستار قاتىستى. بايقاۋ وسكەلەڭ ۇرپاقتى ادامگەرشىلىككە تاربيەلەۋگە، پاراساتتىلىققا، سانانىڭ اشىقتىعىنا جانە ۇلتتىق بىرەگەيلىكتى ساقتاۋعا كومەگىن تيگىزەدى»، – دەدى قازاقستاندىق قوعامدىق دامۋ ينستيتۋتىنىڭ جوبا مەنەدجەرى رۋسلانبەگەن تۇرسىنبەت ۇلى.