ۇيالى وپەراتورلاردىڭ SIM-كارتالارىن پايدالانا وتىرىپ، نەسيەلەر الۋعا وتىنىمدەر راسىمدەگەن
الماتىدا ازاماتتاردىڭ جەكە دەرەكتەرىن پايدالانا وتىرىپ، الاياقتىق جولمەن بانكتتەن 35 ملن تەڭگەدەن استام قارجى ۇرلاماق بولعاندار باس بوستاندىعىنان ايىرىلدى، دەپ حابارلايدى Almaty-akshamy.kz.
الماتى قالالىق پروكۋراتۋراسىنىڭ مالىمەتىنشە، «D....» سايتىندا الاياقتار ق ر ازاماتتارىنىڭ ەلەكتروندىق ساۋالنامالىق دەرەكتەرىن ساتىپ الىپ، سودان كەيىن ولاردىڭ كەلىسىمىنسىز جانە ەسكەرتۋسىز بانك سايتىندا ۇيالى وپەراتورلاردىڭ SIM-كارتالارىن پايدالانا وتىرىپ، نەسيەلەر الۋعا وتىنىمدەر راسىمدەگەن جانە ينتەرنەت-بانكينگ ارقىلى ۇرلانعان اقشا قاراجاتىن جالعان تۇلعالاردىڭ شوتتارىنا اۋدارىپ وتىرعان.
«قىلمىس جاساۋ ءۇشىن الاياقتار قاجەتتى تەحنيكا ساتىپ الىپ، ابونەنتتىك نومىرلەردىڭ ءبىر رەتتىك سيم-كارتالارىن پايدالانۋ ارقىلى بانكتىڭ جەكە كابينەتىنە تىركەلگەن. ءارى قاراي، بانكتىك كارتانىڭ دەرەكتەرى مەن شوتتارىنا يە بولا وتىرىپ، ولار ءارتۇرلى سومالارعا كەدەرگىسىز نەسيە راسىمدەگەن»،- دەپ حابارلادى ۆەدومستۆودان.
مەدەۋ اۋداندىق سوتى كىنالىلەردى اسا ءىرى مولشەردە الاياقتىق جاساعانى ءۇشىن 6 جىلعا باس بوستاندىعىنان ايىردى.
قالا پروكۋراتۋراسى مەگاپوليس تۇرعىندارىن ساق بولۋعا جانە الاياقتاردىڭ ايلا-امالدارىنا تۇسپەۋدى تاعى دا ەسكەرتەدى.