الماتىدا پوليسيا بولىمشەلەرىنىڭ باسشىلارى قىزمەتتىك قارۋدان وق اتۋدان جارىستى.
رەسپۋبليكا كۇنىنە وراي قىزمەتتىك قارۋدان وق اتۋدان كەزەكتى جارىس ءوتتى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«وسى مەرەكەگە وراي اسكەري قارۋدان پراكتيكالىق وق اتۋدان جارىس ۇيىمداستىرىلدى. وعان الماتىلىق پوليسيا گارنيزونىنىڭ قىزمەتتەرى مەن بولىمشەلەرىنىڭ ءبىرىنشى باسشىلارى قاتىستى. ايتپاقشى، بۇل جىل سايىنعى ءداستۇر. قاتىسۋشىلار الدىندا 3 جانە 10 سىناق اتۋدان تۇراتىن پم-2 جاتتىعۋىن بەلگىلەنگەن ۋاقىت ىشىندە ورىنداۋ مىندەتى تۇردى. بۇل قىزمەت باسشىلارىنىڭ تاماشا دايىندىعى مەن كاسىبي بىلىكتىلىگىن كورسەتەدى»، - دەيدى الماتى قالالىق پوليسيا دەپارتامەنتى باستىعىنىڭ ورىنباسارى ولجاس مىرزابەكوۆ.
بۇل جولى تۋرنيرلىك كەستە كەلەسىدەي بولدى: ەرلەر اراسىندا 1-ورىن جەدەل باسقارۋ ورتالىعىنىڭ باستىعى نۇرجان توقتامىسوۆقا، 2-ورىن جقاج كومانديرى ۇسەن ابىلبايەۆقا، مەدەۋ اۋداندىق پب-نىڭ باستىعى ءىلياس ومىرسەرىكوۆ ءۇشىنشى ورىنعا يە بولدى. ال ايەلدەر اراسىندا ءبىرىنشى ورىندى ىشكى جانە سىرتقى كوممۋنيكاسيالار باسقارماسىنىڭ باستىعى سالتانات ازىربەك يەلەندى. ەكىنشى ورىن ەكىنشى ارنايى ءبولىمنىڭ باستىعى شىراي وماروۆاعا بۇيىردى. ءۇشىنشى ورىنعا قارجىمەن قامتاماسىز ەتۋ باسقارماسىنىڭ باستىعى ايجان زاكيروۆا يە بولدى.
جەڭىسكە جەتكەندەردى دەپارتامەنت باسشىلىعى ماقتاۋ قاعازدارىمەن جانە ەستەلىك سىيلىقتارمەن ماراپاتتادى.