رەسپۋبليكالىق جالپى ۇلتتىق ديكتانت 2010 جىلدان بەرى جىل سايىن وتكىزىلىپ كەلەدى
رەسپۋبليكا كۇنى قارساڭىندا ەلىمىز بويىنشا مەكتەپ وقۋشىلارى مەن كوللەدج ستۋدەنتتەرى وتانعا دەگەن قۇرمەت رەتىندە پاتريوتتىق ديكتانت جازدى، دەپ حابارلايدى Almaty-akshamy.kz.
جالپى ۇلتتىق ديكتانت بۇكىل ەل بويىنشا 17 قازان كۇنى، ساعات 10.00-دە باستالدى. رەسپۋبليكالىق پاتريوتتىق ديكتانتتىڭ نەگىزگى تاقىرىبى – «تۋعان جەر»، «ءبىزدىڭ وتانىمىز»، «رودنايا زەمليا». ديكتانت قازاق جانە ورىس تىلدەرىندە الىنۋدا.
رەسپۋبليكالىق جالپى ۇلتتىق پاتريوتتىق ديكتانت الماتى قالاسىنىڭ بارلىق كوللەدجدەرى مەن مەكتەپتەرىندە دە ءوتتى. اتاپ ايتقاندا، م.ماقاتايەۆ اتىنداعى №140 گيمنازيانىڭ 8-11 سىنىپ وقۋشىلارى، №1 الماتى قازاق مەملەكەتتىك گۋمانيتارلىق پەداگوگيكالىق كوللەدجى مەن «الماتى مەملەكەتتىك سەرۆيس جانە تەحنولوگيالار» كوللەدجىنىڭ ستۋدەنتتەرى ديكتانت جازۋعا قاتىستى.
رەسپۋبليكالىق جالپى ۇلتتىق ديكتانت 2010 جىلدان بەرى جىل سايىن وتكىزىلىپ كەلەدى. گۋمانيتارلىق پەداگوگيكالىق كوللەدج ديرەكتورى ماگيشات تاسقالي قىزىنىڭ ايتۋىنشا، كوللەدج ستۋدەنتتەرى ديكتانتتى وتە ساۋاتتى جازادى.
جالپى ديكتانت جازۋ جاس ۇرپاقتىڭ ساۋاتتىلىعىن ارتتىرىپ قانا قويماي، پاتريوتتىق رۋحىن دا وياتادى. «ءىس-شارانى ۇيىمداستىرۋداعى باستى ماقسات – كوللەدج تالىمگەرلەرىنىڭ بويىندا پاتريوتتىق سەزىمدى وياتۋ جانە الداعى رەسپۋبليكا كۇنىنىڭ ءمان-ماڭىزى ءتۇسىندىرۋ. ستۋدەنتتەرىمىز جۇسىپبەك ايماۋىتوۆتىڭ تۋعان جەر تۋرالى كەرەمەت جازباسىن وزدەرى وقىپ-جازۋدىڭ ارقاسىندا ءبىراز تالىم-تاربيەنى بويلارىنا سىڭىرەدى دەپ ويلايمىن»، – دەدى «الماتى مەملەكەتتىك سەرۆيس جانە تەحنولوگيالار» كوللەدجىنىڭ ديرەكتوردىڭ وقۋ ءىسى جونىندەگى ورىنباسارى ءمولدىر ابدرەيموۆا.
ديكتانتتىڭ ەڭ باستى تاعى ەرەكشەلىگى – جاس ۇرپاقتىڭ ۇلتتىق تۇرعىداعى دۇنيەتانىمىن كەڭەيتۋ دە. بۇل جونىندە الماتىداعى م. ماقاتايەۆ اتىنداعى №140 گيمنازيا باسشىسى ءسانيا وسكەنباي قىزى بىلاي دەدى:
– بۇگىنگى جازىلعان ديكتانتتىڭ ەڭ باستى ەرەكشەلىگى – جاس ۇرپاقتىڭ رەسپۋبليكا كولەمىندە، ءبىر مەزگىلدە ياعني، 17 قازان كۇنى، ساعات 10.00 دە باستالعاندىعى. مەنىڭ بايقاعانىم – تاڭدالعان ءماتىن دە ەرەكشە، پاتريوتتىق سەزىمگە تۇنىپ تۇر. ماسەلەن، ۇلتتىق مەكتەپتەرگە جۇسىپبەك ايماۋىتوۆتىڭ «قارتقوجا» رومانىنان ءۇزىندى بەرىلگەن ەكەن. شىعارمانىڭ ەڭ شۇرايلى، اسەرلى جەرى الىنعانى كورىنىپ تۇر. ءسوز زەرگەرى تۋعان جەردىڭ تاۋى مەن تاسىن، وزەن-كولىنىڭ باعا جەتپەس سۇلۋلىعىن، كوركەم تىلمەن سۋرەتتەگەن. ءتىپتى، تىڭداپ وتىرعان ادامنىڭ تۇلا-بويى شىمىرلاپ كەتەدى. ونىڭ ۇستىنە قازاق ءتىلى مەن ادەبيەتى ءپانىنىڭ مۇعالىمدەرى دە ءماتىندى ءجاي عانا وقىپ بەرمەي، بارىنشا ەموسيونالدى تۇردە، وبرازعا ەنىپ، جۇرەككە جەتكىزە وقىپ جاتىر. بۇل رەتتە، بارلىق وقۋشىلاردىڭ دا ءماتىندى تۇسىنە وتىرىپ، تۋعان جەردىڭ تابيعاتىن، باعا جەتپەس بايلىعىن كوزبەن كورگەندەي، كوڭىلگە ءتۇيىپ وتىرعانى انىق. بالالاردىڭ دۇنيە-تانىمى، تۋعان جەرگە دەگەن قۇشتارلىعى ارتتا ءتۇستى دەپ ويلايمىن. بۇل ءبىزدىڭ الداعى مارتەبەلى مەرەكەگە – رەسپۋبليكا كۇنىنە تارتۋىمىز. ەڭ باستىسى، جاستارىمىز تانىمدىق تۇرعىدا كەرەمەت وي ءتۇيىپ، مول اقپارات الدى. ويتكەنى بۇل ديكتانتتىڭ باستى ەرەكشەلىگى – پاتريوتتىق تاقىرىپتىڭ قامتىلۋى ەدى. مەكتەبىمىزدىڭ ديكتانت جازعان 650-دەن استام وقۋشىسىنىڭ بويىندا شىنايى پاتريوتتىق سەزىمنىڭ قالىپتاسقانى انىق.
ەلىمىزدىڭ مارتەبەلى مەرەكەسىنىڭ قۇرمەتىنە ارنالعان بۇل ديكتانتتىڭ قورىتىندىسى تالدانىپ، تالقىلانىپ، قورىتىندىسى الەۋمەتتىك جەلىلەرگە جاريالانادى.
