رايىمبەك باتىر داڭعىلى بويىنداعى BRT جوباسىن جۇزەگە اسىرۋ اياسىندا قۇرىلىس جۇمىستارى جۇرگىزىلۋىنە بايلانىستى كولىك قوزعالىسىنا ۋاقىتشا شەكتەۋ قويىلادى.
26 شىلدە كۇنى ساعات 08:00-دەن باستاپ 30 تامىز كۇنى ساعات 22:00-گە دەيىن پۋشكين كوشەسىنەن شىعىس باعىتتاعى ەسەنوۆ كوشەسىنە دەيىنگى ارالىقتا قوزعالىس جابىلادى.
جوندەۋ جۇرگىزىلەتىن ۋچاسكەدە ەسكەرتۋ بەلگىلەرى مەن مەردىگەر ۇيىم باسشىسىنىڭ بايلانىس دەرەكتەرى كورسەتىلگەن تاقتا ورناتىلادى. مارشرۋتىڭىزدى الدىن الا جوسپارلاۋىڭىزدى سۇرايمىز.
ەستەرىڭىزگە سالا كەتەيىك، جول قوزعالىسىنا قاتىستى بارلىق اقپارات @AlmatyJoly Telegram-ارناسىندا، اۋدان اكىمدىكتەرىنىڭ الەۋمەتتىك جەلىلەرىندە، سونداي-اق 2GIS جانە «ياندەكس كارتالار» سەرۆيستەرىندە جاريالانادى.