ەسىرتكى ۇنتاعى ارنايى ساراپتاماعا جىبەرىلدى.
الماتى پوليسەيلەرى قىزمەتتىك ءيتتىڭ كومەگىمەن «باتونچيك» كامپيتىنىڭ قاعازىنا ورالعان ەسىرتكى ۇنتاعىن تاپتى، دەپ حابارلايدى Almaty-akshamy.kz.
«قىلمىستىق-اتقارۋ جۇيەسى دەپارتامەنتىنە قاراستى №72 مەكەمەسىندە (تەرگەۋ يزولياتورى) ميف اتتى قىزمەتتىك ءيتتىڭ كومەگىمەن ق ر قىلمىستىق كودەكسىنىڭ 191-بابى بويىنشا ادام توناعانى ءۇشىن سوتتالعان ايان اتتى تۇتقىنعا ارنالعان سالەمدەمەنىڭ ىشىنەن ەسىرتكى تابىلدى»، - دەلىنگەن اتالمىش مەكەمەنىڭ باسپا ءسوز قىزمەتىنىڭ حابارلاماسىندا.
«قازپوشتا» ارقىلى جىبەرىلگەن «باتونچيك» كامپيتىنىڭ قاعازىنا ورالعان ەسىرتكى ۇنتاعى ارنايى ساراپتاماعا جىبەرىلدى.
اتالعان مەكەمەنىڭ رەجيم ءبولىمىنىڭ قىزمەتكەرلەرىمەن بىرگە سالەمدەمەلەردى تەكسەرۋگە قاتىسقان ميف - ىشكى ىستەر مينيسترلىگىنىڭ كينولوگيا ورتالىعىندا ارنايى دايىندىقتان وتكەن يت.
ال، بۇرىن دا ادام توناعانى ءۇشىن سوتتى بولعان ايانعا سالەمدەمە جىبەرگەن الماتى قالاسىنىڭ تۇرعىنىنا قاتىستى الدىن الا تەرگەپ-تەكسەرۋ جۇمىستارى جۇرگىزىلۋدە.
