الماتى قالالىق پد-دا قىلمىسقا قارسى ىمىراسىز كۇرەستە ەرلىكپەن قازا تاپقان ءتارتىپ ساقشىلارىن ەسكە الۋعا ارنالعان پد قىزمەتتەرى مەن بولىمشەلەرىنىڭ قىزمەتكەرلەرى اراسىندا قويان-قولتىق ۇرىستان تۋرنير ءوتتى.
ول قىزمەتتىك بورىشىن وتەۋ كەزىندە قازا تاپقان پوليسيا قىزمەتكەرلەرىنە ارنالعان ەسكەرتكىشكە گۇل قويۋ راسىمىنەن باستالدى. جارىسقا 17 كوماندادان 135 سپورتشى قاتىستى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ءبىز قويان-قولتىق ۇرىس بويىنشا سپورتتىق جارىسىمىزعا بارلىق قاتىسۋشىلاردى قۋانا قارسى الامىز! بۇل ءداستۇرلى شارا تەك سپورتتىق جانە باسەكەلەستىك شارا ەمەس، مۇندا بىرلىك رۋحى دا بار. بۇگىن بارلىق جىگىتتەر ۇستامدىلىق پەن تاباندىلىق تانىتىپ، ونەرلەرىن كورسەتتى»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ولجاس مىرزابەكوۆ.
ويىنداردىڭ قورىتىندىسى بويىنشا جانە تورەشىلەر القاسى ۇسىنعان حاتتامالار نەگىزىندە كوماندالىق ەسەپتە ورىندار كەلەسىدەي ءبولىندى: I ورىن – جقاج كومانداسى. II ورىن – تۇركسىب اۋداندىق پوليسيا باسقارماسىنان قۇرالعان كومانداسى، III ورىن – ايداۋىلداۋ قىزمەتى باتالونىنىڭ كومانداسى.