الماتىدا ادام پاپيللوما ۆيرۋسىنا قارسى 11 جاستاعى قىزداردى ۆاكسيناسيالاۋ بويىنشا اۋقىمدى ناۋقان قارساڭىندا دايىندىق جۇمىستارى بەلسەندى جۇرگىزىلۋدە. دەنساۋلىق ساقتاۋ مينيسترلىگى بەكىتكەن ۆاكسيناسيانى ەنگىزۋ جوسپارىنا سايكەس اعىمداعى جىلدىڭ قىركۇيەك ايىنان باستاپ 11 جاستاعى بارلىق قىزدار ءوز مەكتەپتەرىندە تىكەلەي ۆاكسيناسيادان تەگىن وتە الادى، دەپ حابارلايدى aqshamnews.kz.
اپۆ-عا قارسى ۆاكسيناسيا پروسەسى قالاي ۇيىمداستىرىلاتىنىن وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا ايتىپ بەردى.
«ۆاكسيناسيا التى اي ارالىقپەن ەكى دوزانى الۋدى كوزدەيدى. ۇيىمداستىرىلعان ۇجىمدا ءبىز ءتيىستى كونتينگەنتتى بارىنشا قامتۋدى قامتاماسىز ەتە الامىز. مەكتەپتەردىڭ مەديسينالىق قىزمەتكەرلەرى جازعى دەمالىس باستالعانعا دەيىن ۆاكسيناسيا تەحنيكاسى بويىنشا دايىندالدى. قاجەت بولعان جاعدايدا مەكتەپكە بارۋ ءۇشىن قوسىمشا بريگادا قۇرىلادى. مەكتەپتەردىڭ ەگۋ كابينەتتەرىندە ۆاكسيناسيا جۇرگىزۋ ءۇشىن جاعدايلار جاسالعان»، - دەپ ءبولىستى ول.
ۆاكسيناسيا اتا-انالاردىڭ تەك جازباشا كەلىسىمىمەن جۇزەگە اسىرىلادى. پروسەدۋرادان بۇرىن ءار بالانى قارسى كورسەتكىشتەردى انىقتاۋ ءۇشىن دارىگەر تەكسەرەدى. ۆاكسيناسيادان كەيىن بالالاردى مەديسينالىق قىزمەتكەرلەر 30 مينۋت بويى باقىلايدى. سونىمەن قاتار، ۆاكسيناسيالاۋعا تەك تاجىريبەلى مەديسينا قىزمەتكەرلەرى عانا جىبەرىلەدى.
الماتىدا 11 جاستاعى قىزداردىڭ سانى 17 مىڭعا جۋىق ەكەنى الدىن الا انىقتالعان، الايدا بۇل كورسەتكىش وزگەرۋى مۇمكىن. قازىرگى ۋاقىتتا الماتىعا ۆاكسينا جەتكىزىلەدى دەپ كۇتىلۋدە.