الماتىدا قىس قارساڭىندا 25-30 قاراشا ارالىعىندا اۋقىمدى تازالاۋ جۇمىستارى جۇرگىزىلەدى، دەپ حابارلايدى aqshamnews.kz
«تازا قازاقستان» جالپى رەسپۋبليكالىق باعدارلاماسى جانە «الماتى – ءبىزدىڭ ورتاق ءۇيىمىز» قالالىق ناۋقانى اياسىندا كوشە-جول جەلىسىن، جالپىعا قولجەتىمدى ورىنداردى، وزەن ارنالارىن، كوشە ۋرنالارىن جانە ارىق جەلىسىن اۋقىمدى تازالاۋ جۇرگىزىلەدى، سونداي-اق ينجەنەرلىك جەلىلەر قۇرىلىسى جۇرگىزىلگەن جولداردى ورتاشا جوندەۋ جانە ۋچاسكەلەردى اسفالتتاۋ جۇمىستارى اياقتالادى.
تازالىق اپتالىعى اياسىندا قالالىق كوممۋنالدىق قىزمەتتەر قالانى سۋىق اۋا رايى مەن قاردىڭ تۇسۋىنە دايىنداۋدى اياقتايدى. قىسقى كەزەڭدە قالاعا قىزمەت كورسەتۋ ءۇشىن 841 بىرلىك تەحنيكا مەن 1 400 جول جۇمىسشىسى تارتىلاتىن بولادى. جۇمىستاردى ءتيىمدى جۇرگىزۋ ءۇشىن «الماتى تازالىق» مكك اۆتوپاركى 32 زاماناۋي ماشينامەن تولىقتىرىلدى. سانيتارلىق تازالاۋ جالپى اۋدانى 25،1 ملن م2 جانە ۇزىندىعى 2 777 كم 2 318 كوشەنى قامتيدى. كوشە-جول جەلىسىن تازالاۋ 10 مەردىگەر ۇيىمنىڭ كۇشىمەن جۇزەگە اسىرىلادى.
ۇزىندىعى 1 525 كم قالانىڭ ارىق جەلىسىن تازارتۋعا ەرەكشە نازار اۋدارىلاتىن بولادى. كۇن سايىن 80 بىرلىك تەحنيكا مەن 320 جۇمىسشى ارىق جەلىسىنەن شامامەن 160 تەكشە مەتر سمەتانى، لاي مەن قوقىستى شىعارادى. شىعارىندىلار نەگىزىنەن پلاستيكتەن جانە جاپىراقتاردان تۇرادى.
«Eco Almaty» ج ش س ءال - فارابي داڭعىلىنان ساتپايەۆ كوشەسىنە دەيىنگى ۋچاسكەدەگى ۇلكەن الماتى وزەندەرىنىڭ ارنالارىن، ءال -فارابي داڭعىلىنان شيەۆچەنكو كوشەسىنە دەيىنگى ۋچاسكەدەگى ەسەنتاي وزەنىن، سونداي-اق ۇزىندىعى 19،2 كم الماتى قالاسى شەگىندەگى د. قونايەۆ اتىنداعى ۇاك تازالاۋ جۇمىستارى جۇرگىزءىلەدى. كاسىپورىن قىزمەتكەرلەرى وزەن ارنالارىن لاي، قوقىستاردان تازارتادى جانە شوپتەردى شابادى.
سونداي-اق، 30 قاراشاعا دەيىن ۇزىندىعى 3 كم 5 ۋچاسكەدەگى جولداردى ورتاشا جوندەۋ جانە ينجەنەرلىك جەلىلەر قۇرىلىسى جۇرگىزىلگەن ۋچاسكەلەردى اسفالتتاۋ جۇمىستارى اياقتالادى.
بيىلعى جىلى جولداردىڭ ورتاشا جوندەۋىمەن ۇزىندىعى 223،4 كم 255 كوشە قامتىلدى.سونداي-اق، قالا اكىمىنىڭ تاپسىرماسى بويىنشا 22 نىساندا 20 كم جىلۋ جەلىلەرى قايتا جاڭارتىلدى، ونىڭ 18-دە اباتتاندىرۋ جۇمىستارى تولىق اياقتالدى، قالعان 4-ىندە 30 قاراشاعا دەيىن تازالىق اپتالىعى اياسىندا اياقتالاتىن بولادى.
بۇدان باسقا، بۇگىندە 2 مىڭعا جۋىق كاسىپكەر اباتتاندىرۋ پاسپورتىنا قول قويدى. بيزنەس سۋبەكتىلەرىنە اباتتاندىرۋ پاسپورتتارىن تاپسىرۋ "تازا قازاقستان" باعدارلاماسى جانە الماتى قالاسىن اباتتاندىرۋدىڭ جاڭا قاعيدالارى اياسىندا جۇزەگە اسىرىلادى. بۇل قادامدار الماتىلىقتار مەن قالا قوناقتارى ءۇشىن قولايلى، ءقاۋىپسىز جانە ەكولوگيالىق جاعداي جاساۋ ستراتەگياسىنىڭ ءبىر بولىگى بولىپ تابىلادى.
الماتىدا بارلىعى 6 مىڭنان استام نىسان پاسپورتتاۋعا جاتادى. اباتتاندىرۋ پاسپورتىنا ەكى تاراپ – اۋدان اكىمدىگى مەن كاسىپكەر قول قويادى، بۇل ءراسىمدى بارىنشا اشىق ەتەدى. پاسپورتتاۋ پروسەسى 2025 جىلدىڭ ءساۋىر ايىندا اياقتالادى دەپ جوسپارلانۋدا.