جاڭا ماۋسىمدا قالانى تازالاۋعا جاڭا تەحنيكا، ونىڭ ىشىندە قازاقستاندا العاش رەت ەلەكتروكارلار پايدالانىلادى. جاڭا ماشينالاردى قولدانۋ قالالىق ماڭىزى بار ماگيسترالدار مەن كوشەلەر بويىنداعى ءقاۋىپتى قول ەڭبەگىنەن تولىق باس تارتۋعا مۇمكىندىك بەرەدى، دەپ حابارلايدى almaty-akshamy.kz
«الماتى تازالىق» مكك ءۇشىن قالالىق بيۋدجەتتەن قوسىمشا 101 بىرلىك ارنايى تەحنيكا ساتىپ الۋ جوسپارلانعان (ونىڭ 29-ى جەتكىزىلگەن). بۇل 17 سىپىرعىش-ۆاكۋۋمدىق جيناۋ ماشيناسى، 10 ساموسۆال، 12 تروتۋار جيناۋ ماشيناسى، 9 قوقىس تاسۋشى، 5 شاعىن تراكتور، 37 ارالاس جيناۋ ماشيناسى، 10 فرەزەر جانە 1 مانيپۋلياتور. ساتىپ الىناتىن بارلىق تەحنيكا امبەباپ جانە قىسقى جانە جازعى مەزگىلدە دە پايدالانىلادى»، - دەدى الماتى قالاسىنىڭ كوممۋنالدىق ينفراقۇرىلىمدى دامىتۋ باسقارماسىنىڭ باسشىسى دانيار قىرىقبايەۆ.
سونىمەن قاتار، قازاقستاندا العاش رەت كوممۋنالدىق قىزمەتكە ەلەكترلى كوممۋنالدىق ماشينالار كەلەدى. بۇل 18 كوپفۋنكسيونالدى تروتۋار تازالايتىن ەلەكتر كولىك (ونىڭ 6-سى جەتكىزىلگەن). الماتى قالاسىن دامىتۋدىڭ 2025 جىلعا دەيىنگى باعدارلاماسىن ىسكە اسىرۋ جانە 2030 جىلعا دەيىنگى ورتا مەرزىمدى پەرسپەكتيۆالار اياسىندا جىل سوڭىنا دەيىن ساتىپ الۋ كوزدەلگەن.
ساتىپ الىناتىن ماشينالار ەكولوگيالىق تازا. مىسالى، Dulevo 6000 CNG – الەمدەگى جالعىز مەحانيكالىق سورعى تازالاۋ تەحنيكاسى، بۇل ونىمدىلىككە كەرى اسەر ەتپەيدى، مەحانيكالىق تازالاۋدان ايىرماشىلىعى شاڭ شىعارمايدى. PONY ر-4، ر-3 جازدا تروتۋارلاردى نەمەسە عيماراتتارعا ىرگەلەس جەرلەردى تازالاۋ نەمەسە جۋۋ، جولدىڭ شەتتەرى مەن جيەكتەرىندە ءشوپ شابۋ، گۇلزارلاردى سۋارۋ ءۇشىن پايدالانىلادى، ال قىستا قار تازالاۋ جانە تروتۋارلاردا، كولىك تۇراقتارىنا جانە تار اللەيالاردا رەاگەنتتەردى شاشۋ ءۇشىن پايدالانۋعا بولادى. وسىلايشا، بۇل ماشينالار ونىمدىلىكتى ارتتىرىپ، تازالاۋ ۋاقىتىن بىرنەشە ەسەگە قىسقارتادى.
