الماتى پوليسياسى قايىرشىلاردى انىقتاۋ ماقساتىندا رەيد جۇرگىزىپ جاتىر.
كۇن سايىن قوعامدىق ءتارتىپتى قامتاماسىز ەتۋ ماقساتىندا قالانىڭ جەرگىلىكتى پوليسيا قىزمەتىنىڭ ينسپەكتورلارى اتالعان قىزمەت ءتۇرىن انىقتاپ، جولىن كەسۋمەن اينالىسادى، دەپ حابارلايدى Almaty-akshamy.kz
Polisia.kzء-تىڭ مالىمەتىنشە، كاسىپكەرلىك سۋبەكتىسى بولىپ سانالمايتىن، سونداي-اق كورىپكەلدىك، قايىر سۇراۋ، ياعني قوعامدىق ورىنداردا زاتتاردى ساتىپ الۋ، ساتۋ، ايىرباستاۋ نەمەسە سەكسۋالدىق سيپاتتاعى قىزمەتتەردى كورسەتۋ ماقساتىندا ادامداردىڭ مازاسىن الۋ اكىمشىلىك قۇقىق بۇزۋشىلىققا جاتادى.
«الماتى ەلىمىزدىڭ قارجى ورتالىعى رەتىندە، وكىنىشكە قاراي، ينۆەستورلار مەن تۋريستەردى عانا ەمەس، جەڭىل اقشانى جاقسى كورەتىندەردى دە قىزىقتىرادى. قايىرشىلىقتىڭ باسىم بولىگىن كورشى ەلدەردىڭ ازاماتتارى جاسايدى. مۇنداي ادامدار انىقتالعان كەزدە ءبىز ولاردى تىركەۋگە الامىز جانە كوشى-قون زاڭناماسىن بۇزعانى ءۇشىن سوت شەشىمىمەن ەلدەن شىعارامىز. ەگەر حالىقارالىق تاجىريبەنى ۇستاناتىن بولساق، وندا مۇقتاج جاندارعا كومەك كورسەتەتىن ارنايى ۇيىمدارعا قايىرىمدىلىق پەن ساداقا بەرگەن ءجون. بۇل قوعامدىق بىرلەستىكتەر، ەرىكتىلەر. جالعىزباستى قارتتار، مۇمكىندىگى شەكتەۋلى جاندار مەن باسقا دا مۇقتاج ادامدار ولاردىڭ باقىلاۋىندپ. ولارعا ءتۇرلى كومەك كورسەتىپ تۇرادى»، – دەدى پاترۋلدىك پوليسيا پولكىنىڭ كومانديرى ورال احيموۆ.
ءبىر عانا اۋداننىڭ وزىندە ءبىر اپتادا قوعامدىق ورىنداردا ازاماتتاردىڭ مازاسىن العان 16 ادام اكىمشىلىك جاۋاپكەرشىلىككە تارتىلدى.
«ساداقا سۇراعانداردىڭ كوپشىلىگى ءىرى بازارلار، ساۋدا ۇيلەرى مەن ازاماتتاردىڭ كوپ جينالاتىن جەرلەرىندە تۇرادى. بۇل نەگىزىنەن كىشكەنتاي بالالارى بار ايەلدەر. اتا-انالارعا قاتىستى ق ر اقبتك-نىڭ 449-بابىنا سايكەس قۇقىق بۇزۋشىلىق دەرەگى بويىنشا اكىمشىلىك ماتەريال جينالدى. قايىرشىلار ءجيى جولدىڭ ورتاسىندا جۇرەدى، وسىلايشا جول قوزعالىسىنا قاتىسۋشىلارعا ناقتى ءقاۋىپ توندىرەدى»، – دەدى احيموۆ.