الماتىدا قۇرىلىس كومپانياسىنىڭ باسشىلارى قاماۋعا الىندى

«ءۇش قوڭىر» جانە «ۆەسنوۆكا» تۇرعىن ءۇي كەشەنى بويىنشا سانكسيالار بەرىلدى.

الماتىدا «ءۇش قوڭىر» جانە «ۆەسنوۆكا» تۇرعىن ءۇي كەشەنى بويىنشا سانكسيالار بەرىلدى، دەپ حابارلايدى اlmaty-akshamy.kz باس پروكۋراتۋراعا سىلتەمە جاساپ.

«پوليسيا «ءۇش قوڭىر» جانە «ۆەسنوۆكا» تۇرعىن ءۇي كەشەنى ۇلەسكەرلەرىنىڭ ۇجىمدىق ارىزى نەگىزىندە قازاقستان رەسپۋبليكاسى قىلمىستىق كودەكسىنىڭ 190-بابى، 4-بولىگى، 2-تارماعى (الاياقتىق) بويىنشا قىلمىستىق ءىستى تەرگەپ-تەكسەرىلۋدە. الماتى قالاسىنىڭ پروكۋراتۋراسى تەرگەۋ ورگانىنىڭ «Lider Group Consalt» ج ش س ديرەكتورى مەن ءبىرقاتار تۇلعالارىن كۇزەتپەن ۇستاۋ تۇرىندەگى بۇلتارتپاۋ شاراسىن قولدانۋ تۋرالى ءوتىنىشحاتىن قولدادى»، - دەلىنگەن حابارلامادا.

الماتى قالاسىنىڭ تەرگەۋ سوتىنىڭ سانكسياسىمەن 2 اي مەرزىمگە كۇزەتپەن ۇستاۋعا الىندى.

سوتقا دەيىنگى تەرگەپ-تەكسەرۋ جالعاسۋدا، تەرگەۋ ورگاندارى ءىستىڭ ءمان-جايىن انىقتاۋ ءۇشىن بارلىق شارالاردى قولدانۋدا جانە پروكۋراتۋرانىڭ باقىلاۋىندا.

ايتا كەتەلىك، بۇعان دەيىن الماتى اكىمى «ءۇش قوڭىر» جانە «ۆەسنوۆكا» تۇرعىن ءۇي كەشەنىندەگى داۋلى پاتەرلەرگە قاتىستى پىكىر ءبىلدىرىپ، وندا پاتەرلەر ساتۋعا تىيىم سالىنعان ايتقان ەدى.