الماتىنىڭ قالا قۇرىلىسى باقىلاۋ باسقارماسى «سك 7 ستروي» ج ش س اتتى قۇرىلىس ليسەنزياسىنان ايىرىلعان كومپانيا تۋرالى حابارلادى.
مەردىگەر قالا اۋماعىنداعى بىرنەشە نىساندا قۇرىلىس جۇمىستارىن جۇرگىزىپ كەلگەن. سونىڭ ىشىندە №112 جالپى ءبىلىم بەرەتىن مەكتەپ عيماراتىنا قوسالقى قۇرىلىس سالۋ جانە اۋەزوۆ اۋدانىنداعى اباتتاندىرۋ جوبالارى بار.
بارلىق نىساندا جوسپاردان تىس تەكسەرۋلەر جۇرگىزىلىپ، ونىڭ ناتيجەسىندە قۇرىلىس-مونتاج جۇمىستارى كەزىندە جوبالىق شەشىمدەردەن اۋىتقۋ جانە قۇرىلىس سالاسىنداعى مەملەكەتتىك نورمالاردىڭ تالاپتارىن ساقتاماۋ دەرەكتەرى انىقتالدى.
تەكسەرۋ قورىتىندىسى بويىنشا «سك 7 ستروي» جشس-نە اكىمشىلىك شارالار قولدانىلىپ، ونىڭ قۇرىلىس قىزمەتىن جۇزەگە اسىرۋعا بەرىلگەن ليسەنزياسىنان ايىرىلدى.