قازاقستاندىق لوۋكوستەر FlyArystan 2025 جىلدىڭ قازان ايىندا ماڭىزدى مەجەگە جەتىپ، 20-ميلليونشى جولاۋشىسىن تاسىمالدادى، - دەپ حابارلايدى اqshamnews.kz.
«FlyArystan» اق پرەزيدەنتى، ريچارد لەدجەر:
«التى جىلدىق جۇمىس ىشىندە 20 ميلليون جولاۋشىنى تاسىمالداۋ – قازاقستان حالقىنىڭ سانىمەن شامالاس كورسەتكىش. بۇل – ەلىمىزدەگى ىشكى جانە حالىقارالىق اۋە قاتىناسىنىڭ دامۋىنا، ايماقتىق مارشرۋتتىق جەلىنىڭ كەڭەيۋىنە جانە ازاماتتاردىڭ موبيلدىلىگىنىڭ ارتۋىنا قوسقان ۇلەسىمىزدىڭ ناقتى كورىنىسى. ايتا كەتەرلىگى، وسى جولاۋشىلاردىڭ ۇشتەن ءبىر بولىگى بيلەتتەردى 15 000 تەڭگەگە دەيىنگى باعادا ساتىپ العان. سول ارقىلى ميلليونداعان ادام ءۇشىن العاش رەت اۋە كولىگىمەن ساپارلاۋ مۇمكىندىگىنە جول اشتى. بۇل دەرەك ادامداردى جاڭا كوكجيەكتەردى اشۋعا شابىتتاندىرۋ جانە ءقاۋىپسىز دە جايلى ساپارلاۋ مۇمكىندىگىن ۇسىنۋداعى ءبىزدىڭ نەگىزگى ۇستانىمىمىزدى ايقىن دالەلدەيدى».
بۇگىندە FlyArystan قازاقستاننىڭ 14 قالاسىنا تۇراقتى رەيستەر ورىندايدى. حالىقارالىق مارشرۋتتىق جەلى جۇڭگو، وزبەكستان، قىرعىزستان، ازەربايجان، تۇركيا جانە گرۋزيا باعىتتارىن قامتيدى. 2025 جىلدىڭ جاڭا تۇراقتى جانە ماۋسىمدىق باعىتتار قاتارىندا: الماتى – ينين، قاراعاندى – ستامبۋل، استانا – گازيپاشا، الماتى – تامچى (ىستىقكول) جانە اقتاۋ – دۋباي بولدى.
تەك 2024 جىلىن العاندا، FlyArystan اۋەكومپانياسىنىڭ قىزمەتىن 4،2 ميلليوننان استام جولاۋشى پايدالاندى، بۇل Air Astana توبىنىڭ جالپى جولاۋشىلار اعىنىنىڭ 46،6% قۇرادى.
2025 جىلعى قاڭتاردان باستاپ «FlyArystan» اق جەكە پايدالانۋشى سەرتيفيكاتىن الىپ، FS كودى بويىنشا دەربەس اۋەكومپانيا رەتىندە جۇمىس ىستەي باستادى. ال ماۋسىم ايىندا لوۋكوستەر Skytrax World Airline Awards بويىنشا ءۇشىنشى رەت قاتارىنان ورتالىق ازيا مەن تمد-داعى ۇزدىك بيۋدجەتتىك اۋەكومپانياسى ماراپاتىنا يە بولدى.
FlyArystan تۋرالى:
FlyArystan – Air Astana توبىنىڭ 100% ەنشىلەس كومپانياسى بولىپ تابىلاتىن قازاقستاندىق لوۋكوستەر. ول ءوز قىزمەتىن 2019 جىلدىڭ مامىر ايىندا باستادى. اۋەكومپانيا الماتى، استانا جانە اقتاۋ قالالارىندا ورنالاسقان بازالارىنداعى زاماناۋي A320 ۇشاقتارىنان قۇرالعان اۋە پاركىمەن رەيستەر ورىندايدى. FlyArystan كەڭ اۋقىمدى مارشرۋتتار جەلىسى ىشكى جانە حالىقارالىق رەيستەردى، سونداي-اق چارتەرلىك باعىتتاردى قامتيدى. FlyArystan 2023، 2024 جانە 2025 جىلدارى ءۇش رەت Skytrax World Airline Awards تاراپىنان ورتالىق ازيا جانە تمد-نىڭ ەڭ ۇزدىك بيۋدجەتتىك اۋەكومپانياسى دەپ تانىلدى.