بۇل تۋرالى قارجى مينيسترلىگىنىڭ مەملەكەتتىك كىرىستەر كوميتەتى حابارلادى.
الماتى وبلىسىنىڭ سالىق ورگانى قىزمەتكەرلەرى قۇنى 527،3 ميلليون تەڭگە بولاتىن كونتراباندالىق تەمەكى ءونىمىن انىقتادى، دەپ حابارلايدى Almaty-akshamy.kz
قاسكەلەڭ قالاسىندا الماتى-بىشكەك تراسساسىنىڭ 29-شاقىرىمىندا ورنالاسقان «كريستالل» قوناقۇيىندە 925 مىڭ قوراپ زاڭسىز تەمەكى ءونىمى انىقتالدى. اكسيزدىك ماركاسى جوق كونتراباندالىق تەمەكى ءونىمىن تەكسەرۋگە الماتى وبلىسى بويىنشا مەملەكەتتىك كىرىستەر دەپارتامەنتىنىڭ جانە الماتى وبلىسى بويىنشا ەكونوميكالىق تەرگەۋ دەپارتامەنتىنىڭ قىزمەتكەرلەرى قاتىستى.
تەكسەرۋ ناتيجەسى بويىنشا، بارلىق ماتەريالدار قك-نىڭ 233-بابى بويىنشا الماتى وبلىسى ەكونوميكالىق تەرگەۋ دەپارتامەنتىنە بەرىلدى. تولەنبەگەن اكسيزدىك شىعىن سوماسى – 227،6 ميلليون تەڭگە. تەمەكىنىڭ جالپى قۇنى – 527،3 ميلليون تەڭگە.
تاۋارعا قاتىستى جان-جاقتى تەكسەرۋ جۇرگىزىلىپ جاتىر.