الماتىدا 2025 جىلى قاتتى تۇرمىستىق قالدىقتاردى جيناۋ ينفراقۇرىلىمىن مودەرنيزاسيالاۋ اياقتالادى
الماتىدا "تازا قازاقستان" جالپى رەسپۋبليكالىق تۇجىرىمداماسى اياسىندا 2025 جىلدىڭ سوڭىنا قاراي قاتتى تۇرمىستىق قالدىقتاردى جيناۋ ينفراقۇرىلىمىن تولىعىمەن مودەرنيزاسيالاۋ جوسپارلانۋدا. بۇل تۋرالى قالا اكىمى ەربولات دوسايەۆ 2025-2027 جىلدارعا ارنالعان مەگاپوليس بيۋدجەتىنىڭ جوباسى قارالعان قالالىق ءماسليحات سەسسياسى بارىسىندا حابارلادى.
اۋقىمدى جوبا 2012 جىلى قۇرىلعان قتق جيناۋ ينفراقۇرىلىمىنىڭ ابدەن توزۋىنا بايلانىستى 2023 جىلدان باستاپ ىسكە اسىرىلۋدا. باستى ماقسات-ەكولوگيالىق جاعدايدى جاقسارتۋ، قالا تۇرعىندارىنىڭ جايلىلىعىن ارتتىرۋ جانە سانيتارلىق تازالاۋدىڭ زاماناۋي ستاندارتتارىنا سايكەستەندىرۋ.
"ءماسليحات دەپۋتاتتارى 2024 جىلعى ساۋىردە بەكىتكەن قتق شىعارۋ جونىندەگى قىزمەتتەرگە ارنالعان جاڭا ءتاريفتىڭ ارقاسىندا قوقىس شىعاراتىن ۇيىمدار جالاقىنى 30% - عا ارتتىرىپ، تەحنيكا پاركىن جاڭارتۋدى باستادى. بۇل كەشەندى شارالار كورسەتىلەتىن قىزمەتتەردىڭ ساپاسىن ەداۋىر ارتتىرۋعا مۇمكىندىك بەرەدى"، - دەدى قالا اكىمى.
بۇگىندە قوقىس تاسيتىن كولىكتەردىڭ كۇندەلىكتى جەلىگە شىعۋ كورسەتكىشى 2023 جىلعى 70% - دان 2024 جىلى 85% - عا دەيىن ءوستى، 2025 جىلى 95% - عا دەيىن جەتكىزىلەتىن بولادى.
بۇگىنگى تاڭدا الماتىدا 1 454 كونتەينەر الاڭىندا ورنالاسقان 8 003 كونتەينەر قولدانىلادى. مودەرنيزاسيا اياسىندا 3 تەكشە مەتر تەرەڭدىكتەگى كونتەينەرلەر كوبەيتىلدى، بۇل جاعىمسىز يىستەردىڭ تارالۋىنا جانە قۇستاردىڭ نەمەسە قاڭعىباس جانۋارلاردىڭ قول جەتىمدىلىگىنە جول بەرمەيدى. 2023 جىلى 42 الاڭدا 214 كونتەينەر ورناتىلدى، وعان 600 ملن تەڭگە ءبولىندى. 2024 جىلى مۇنداي كونتەينەرلەر سانى 142 الاڭدا 786 بىرلىككە ۇلعايتىلدى، وعان 1،3 ملرد تەڭگە ءبولىندى. 2025 جىلى 581 الاڭدا تاعى 1683 كونتەينەر ورناتىلادى، بۇل 4،3 ملرد تەڭگە كولەمىندە سالىمداردى تالاپ ەتەدى.
سونىمەن قاتار، 2024 جىلى كولەمى 1،1 تەكشە مەتر بولاتىن 1800 - پلاستيكالىق ەۋروكونتەينەرلەر ساتىپ الىندى، 2025 جىلى تاعى 1 000 وسىنداي كونتەينەر ساتىپ الۋ جوسپارلانۋدا. وسىلايشا، 2025 جىلى مودەرنيزاسيالانعان كونتەينەرلىك الاڭداردىڭ ۇلەسى 100% - عا جەتەدى.
بۇل شارالار قالدىقتاردى جيناۋ تيىمدىلىگىن ارتتىرىپ قانا قويماي، قوقىستى بولەك جيناۋ جانە قايتا وڭدەۋ قاعيداتتارىن ودان ءارى ەنگىزۋ ءۇشىن جاعداي جاساۋعا مۇمكىندىك بەرەدى. قالا تۇراقتى دامۋ باستامالارىنا جانە حالىقتىڭ ءومىر ءسۇرۋ ساپاسىن ارتتىرۋعا بەيىلدىلىگىن كورسەتۋدى جالعاستىرۋدا.