مەرەيلى داتانى مەرەكەلەۋ قۇرمەتىنە الاتاۋ اۋدانىندا الماتى اكىمى باقىتجان ساعىنتايەۆ پەن تج ءبىرىنشى ۆيسە-مينيسترى يبراگيم كۇلشىمبايەۆتىڭ قاتىسۋىمەن زاماناۋي ءورت ءسوندىرۋ دەپوسىنىڭ سالتاناتتى اشىلۋى ءوتتى، دەپ حابارلايدى اlmaty-akshamy.kz
مەگاپوليس اكىمى ب.ساعىنتايەۆ ءورت ءسوندىرۋ دەپوسىنىڭ، تجد قىزمەتكەرلەرى مەن ارداگەرلەرىن ەڭ باستى مەرەكە – 30 جىلدىق مەرەيتويىمەن ءارى ەرەكشە مانگە يە
تاۋەلسىزدىك كۇنىمەن قۇتتىقتادى.
«تاۋەلسىزدىكتىڭ ارقاسىندا ەلىمىز، قالامىز ءوسىپ، دامىپ كەلەدى. بۇگىن ءبىز جوسپارلى تۇردە جاڭا الماتىنىڭ قالاعا قوسىلعان شاعىناۋداندارىندا جايلى ءومىر ءسۇرۋ جاعدايلارىن قامتاماسىز ەتەمىز. سونىمەن قاتار، قوعامدىق قاۋىپسىزدىك كۇشەيتىلىپ، پوليسيا بەكەتتەرى جانە بيىل ەكىنشى رەت ءورت سەندىرۋ دەپوسى اشىلۋدا»، - دەدى باقىتجان ساعىنتايەۆ قالا تۇرعىندارىنىڭ يگىلىگى ءۇشىن جاقسى قىزمەت تىلەدى.
جاڭا ءورت ءسوندىرۋ دەپوسىنىڭ جالپى الاڭى 3524 ش.م 6 شاقىرىلىمعا ەسەپتەلگەن، وقيعا ورنىنا دەيىن جول ءجۇرۋ ۋاقىتىن قىسقارتۋعا مۇمكىندىك بەرەدى جانە الاتاۋ اۋدانىنىڭ يندۋستريالدى ايماعىن، ونىڭ ىشىندە "سايالى"، "كوك-قاينار"، "توميريس"، "مادەنيەت" شاعىناۋداندارى مەن 71 رازەزدىڭ ءورت قاۋىپسىزدىگىن قامتاماسىز ەتۋ جونىندەگى جۇمىستىڭ تيىمدىلىگىن ارتتىرادى.
اۋداننىڭ بەلسەندى دامۋىن ەسكەرە وتىرىپ، ءورت سوندىرۋگە ارنالعان تەحنيكامەن قاتار، بولىك بيىك عيماراتتارعا ارنالعان ارنايى اۆتوتەحنيكامەن جابدىقتالعان.
«مۇندا 131 قىزمەتكەر جۇمىس ىستەيدى. بولىمدە نەگىزگى جانە ارنايى ماقساتتاعى 10 زاماناۋي ءورت ءسوندىرۋ اۆتوموبيلدەرى ورنالاسادى. جەكە قۇرام ءۇشىن تۇرمىستىق ءۇي-جايلار، دەمالىس بولمەلەرى، پسيحولوگيالىق جەڭىلدەتۋ بولمەسى، ترەناجەر سپورت زالى قاراستىرىلعان»، - دەدى الماتى قالاسى تجد باسشىسى رۋسلان قاسىمبايەۆ.
كاسىبي دايىندىق ءۇشىن وقۋ-جاتتىعۋ مۇناراسى، كەدەرگىلەرى بار 100 مەترلىك جولاق بار. سونداي-اق، گارنيزون قىزمەتكەرلەرى ءۇشىن جاتاقحانا مەن پاتەرلەر قاراستىرىلعان. بۇگىنگى كۇنى قالادا ورتكە قارسى قىزمەتتىڭ 18 بولىمشەسى جۇمىس ىستەيدى.
ەسكە سالساق، اعىمداعى جىلدىڭ قىركۇيەك ايىندا ناۋرىزباي اۋدانىندا جاڭا ءورت ءسوندىرۋ دەپوسى ىسكە قوسىلدى. ءقازىر بوستاندىق اۋدانىنىڭ نۇر-الاتاۋ شاعىن اۋدانىندا ءورت ءسوندىرۋ دەپوسىنىڭ قۇرىلىسى ءجۇرىپ جاتىر.
«جاڭا الماتى» كەشەندى جوسپارىن ورىنداۋ اياسىندا الماتى اكىمدىگىنەن 33 بىرلىك ءورت ءسوندىرۋ اۆتوتەحنيكاسى، ءورت سورعى ستانسياسى، ەكى ءورت ءسوندىرۋ اۆتوسيستەرناسى، 14 ءورت ءسوندىرۋ اۆتوسيستەرناسى، 7 جىلدام ارەكەت ەتۋ ءاۆتوموبيلى، جەڭدىك اۆتوموبيل، اۆاريالىق-قۇتقارۋ ءاۆتوموبيلى، ءۇش ۋاز ءاۆتوموبيلى، شاعىن اۆتوبۋس، ساموسۆال، ەكى جۇك ءاۆتوموبيلى الىندى.