الماتىدا مەرەكەلىك كونسەرت 29 تامىزدا ساعات 19:00-دە اباي الاڭىندا وتەدى.
ءىس-شاراعا «مۇزارت» جانە «جىگىتتەر» توبى، قايرات نۇرتاس، مارحابا ءسابي، كاليفورنيا، Yenlik، يلحان يسحانوۆ، جانار دۇعالوۆا، Hey Monro جانە ت.ب. قازاقستاندىق ەسترادا جۇلدىزدارى قاتىسادى. قالا قوناقتارى مەن تۇرعىندارى ءۇشىن ساحنا ەكراندارىندا تاقىرىپتىق بەينەلەرى بار 13 مۋزىكالىق ءنومىر ۇسىنىلادى، دەپ حابارلايدى Almaty-akshamy.kz.
ەكى كۇن بويى – 29-30 تامىز ساعات 20:00-دە اباي اتىنداعى قۇوبت الدىنداعى الاڭدا، اشىق اسپان اياسىندا «سۇيىكتى قالاداعى جازعى اۋەن» فەستيۆالى وتەدى. ءىس-شارا ق ر كونستيتۋسياسى كۇنىنە جانە اباي اتىنداعى قۇوبت-نىڭ 90-شى مەرەيتويلىق تەاتر ماۋسىمىنىڭ اشىلۋىنا ورايلاستىرىلدى. قالا تۇرعىندارى ءۇشىن اباي اتىنداعى قۇوبت وپەرا جانە بالەتتىڭ جەتەكشى سوليستەرى، حور ارتىستەرى، سيمفونيالىق وركەسترى ونەر كورسەتەدى.
30 تامىزدا ساعات 14:00-دە كوكتوبەدە «الماتى اۋەندەرى» كمقك شىعارماشىلىق ۇجىمىنىڭ، قازاقستاندىق ەسترادا جۇلدىزدارىنىڭ قاتىسۋىمەن كونستيتۋسيا كۇنىنە وراي مەرەكەلىك كونسەرت وتەدى.
بۇعان قوسا، مەرەكەلىك ءىس-شارالار قالانىڭ بارلىق اۋدانىندا وتەدى:
- الاتاۋ اۋدانىندا كونستيتۋسيا كۇنىنە ارنالعان كونسەرت 29 تامىزدا ساعات 16:00-دە اتلەتيكالىق اۋىل اۋماعىندا وتەدى
- بوستاندىق اۋدانىندا كونستيتۋسيا كۇنىنە ارنالعان مەرەكەلىك كونسەرت 29 تامىزدا ساعات 17:00-دە MEGA Alma-Ata سوو امفيتەاترىندا وتەدى
- تۇركسىب اۋدانىندا قازاقستاندىق جۇلدىزدار مەن كوركەم انسامبلدەردىڭ قاتىسۋىمەن مەرەكەلىك باعدارلاما 29 تامىزدا ساعات 18:00-دە سەيفۋللين داڭعىلى، 13/1 بويىنشا №6 وقۋشىلار ءۇيىنىڭ اۋماعىندا وتەدى. اۋداندىق مەرەكەدە تۋ سالتاناتتى تۇردە الىپ شىعارىلىپ، ءانۇران ورىندالادى، 16 جاستاعى ازاماتتارعا جەكە كۋالىكتەردى تابىستالىپ، ۇتىس ويىندارى مەن بايقاۋلار ۇيىمداستىرىلىپ، اشىق اسپان استىندا كينو كورسەتىلەدى.
- جەتىسۋ اۋدانىندا كونستيتۋسيا كۇنىنە وراي سالتاناتتى كونسەرت 29 تامىزدا ساعات 19:00-دە «گۇلدەر» ساياباعىندا، سەرىكوۆ كوشەسى، 2ا
- مەدەۋ اۋدانىندا كونستيتۋسيا كۇنىنە ارنالعان مەرەكەلىك كونسەرت 30 تامىزدا ساعات 12:00-دە ورتالىق مادەنيەت جانە دەمالىس ساياباعىندا، گوگول كوشەسى، 1-دە وتەدى
- المالى اۋدانىندا كونسەرت 30 تامىزدا ساعات 17:00-دە سەيفۋللين داڭعىلى، 483 مەكەنجايى بويىنشا Mega Park سوو اۋماعىندا وتەدى
بۇدان بۇرىن حابارلانعانداي، 29 تامىز كۇنى اۋەزوۆ جانە ناۋرىزباي اۋدانىندا مەرەكەلىك كونسەرت ءوتتى.