الماتىلىقتار قاتتى تۇرمىستىق قالدىقتاردى (قتق) جيناۋ جانە شىعارۋ قىزمەتتەرىمەن تولىق قامتاماسىز ەتىلگەن. بۇل قىزمەتتەردى قالدىقتاردى جينايتىن 25 ۇيىم كورسەتەدى. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى ەكولوگيا جانە قورشاعان ورتا باسقارماسى باسشىسى ورىنباسارىنىڭ مىندەتىن اتقارۋشى سەرگەي گەراسيمەنكو مالىمدەدى، دەپ حابارلايدى اlmaty-akshamy.kz.
سپيكەردىڭ ايتۋىنشا، كوممۋنالدىق قالدىقتاردى جيناۋ ءۇشىن 1454 كونتەينەر الاڭى بار، وندا 8 003 كونتەينەر ورناتىلعان.
«بارلىق جينالعان قالدىقتار سۇرىپتالاتىن قوقىس سۇرىپتاۋ كەشەنىنە شىعارىلادى جانە ودان ءارى وڭدەۋگە جانە كومۋگە جىبەرىلەدى»، - دەدى سەرگەي گەراسيمەنكو.
ال، قوقىستى جيناپ، كادەگە جاراتۋ ارقىلى ماسەلە شەشىلسە، ونى وڭدەۋ قالا ءۇشىن كۇردەلى ماسەلە بولىپ قالا بەرەدى. اعىمداعى جىلدىڭ ءبىرىنشى جارتىجىلدىعىندا شىعارىلعان قالدىقتاردىڭ كولەمى 203 مىڭ توننانى، وڭدەلگەنى 33 مىڭ توننانى، وڭدەۋ ۇلەسى 16،6 پايىزدى قۇرادى.
ەكولوگيا جانە قورشاعان ورتا باسقارماسىنىڭ وكىلى حابارلاعانداي، قتق وڭدەۋ قازىرگى ۋاقىتتا قاجەتتى كولەم مەن ساپادا از جۇزەگە اسىرىلادى. قالدىقتاردى قايتا وڭدەۋ بويىنشا كورسەتكىش تەك 17% - دى قۇرايدى. قالدىقتاردىڭ قالعان 83%-ى پوليگونعا كومۋگە جىبەرىلەدى، باسقاشا ايتقاندا، ولار جاي جەرگە كومىلەدى. قتق-نى تەرەڭ وڭدەۋ بويىنشا قۋاتتار جوق، ولاردىڭ ەسەبىنەن پوليگونعا كومۋگە جىبەرىلەتىن قالدىقتاردىڭ كولەمىن قىسقارتۋعا بولادى.
سپيكەر ۇزاق مەرزىمدى دامۋدىڭ شەڭبەرىندە 2030 جىلعا دەيىن قايتا وڭدەۋ تەرەڭدىگىن تاعى 30-40%-عا ارتتىرۋ ءۇشىن RDF (Refuse-derived fuel) وتىن ءوندىرۋ زاۋىتىن سالۋ جوسپارلانعانىن حابارلادى.
2025 جىلعا دەيىن قابىلداۋ ورىندارىنىڭ سانىن 100 بىرلىككە دەيىن، تورلى كونتەينەرلەردى 3000 بىرلىككە دەيىن، قايتالاما شيكىزاتتى جيناۋعا ارنالعان ەكوقوراپتاردىڭ 2025 جىلعا دەيىن قتق شىعارۋ جونىندەگى بارلىق 25 قوقىس شىعارۋشى ۇيىمنىڭ ارنايى تەحنيكاسىنا ارنالعان ديسپەچەرلەۋ جۇيەسىنىڭ 3000 بىرلىگىنە دەيىن ۇلعايتۋ جوسپارلانۋدا.