قالادا 800 قوقىس الاڭى جاڭارتىلادى.
الماتىدا قوقىس الاڭدارىندا ەرەجەلەردىڭ ساقتالۋىن باقىلاۋ جانە بۇزۋشىلاردى انىقتاۋ ءۇشىن ۆيدەوباقىلاۋ كامەرالارى ورناتىلادى، دەپ حابارلايدى aqshamnews.kz
الماتىدا كەلەسى جىلى 800 قوقىس الاڭى جاڭارتىلادى. بۇل تۋرالى مەگاپوليس اكىمى ەربولات دوسايەۆ جۇمىس ساپارى بارىسىندا جانە بوستاندىق اۋدانىنىڭ تۇرعىندارىمەن كەزدەسۋ كەزىندە حابارلادى.
«كەلەسى جىلى قوقىس الاڭدارىن جاڭعىرتۋ جوسپارلانۋدا. ءبىز ولاردى رەتكە كەلتىرەمىز. جۇما كۇنىنەن باستاپ دەمالىس كۇندەرى جاعداي كۇردەلەنە تۇسەتىنىن جانە الاڭدار قوقىسقا تولىپ جاتقانىن بىلەمىن»، - دەدى ەربولات دوسايەۆ حالىقپەن كەزدەسۋ كەزىندە.
بارلىعى 800 قوقىس الاڭىن جاڭارتۋ جوسپارلانۋدا. ەربولات دوسايەۆ قالا تۇرعىندارىنا ۇلكەن كولەمدەگى قوقىستاردى تاستاماۋ كەرەكتىگىن ەسكەرتتى.
«ءبىز بۇل ءۇشىن قاتاڭ جازا بولاتىنىن جاڭا ەرەجەلەردە بەكىتتىك. سونداي-اق، قوقىس الاڭدارىنا كامەرالار ورناتامىز. بۇل بىزگە قۇقىق بۇزۋشىلاردى تەز انىقتاۋعا مۇمكىندىك بەرەدى. كەلەسى جىلى ءبىز العاشقى 400 كامەرانى ىسكە قوسامىز»، - دەدى اكىم.
كوممۋنالدىق قالدىقتاردى باسقارۋ قاعيدالارىنا سايكەس جىلجىمايتىن وبەكتىلەردى سالۋدى جانە (نەمەسە) جوندەۋدى جۇزەگە اسىراتىن جەكە جانە زاڭدى تۇلعالار قۇرىلىس جانە ءىرى گاباريتتى قالدىقتاردى (جيھاز، تۇرمىستىق تەحنيكا) ارنايى بولىنگەن ورىندارعا دەربەس اكەتۋدى جۇرگىزۋى نەمەسە قوقىستى اقى تولەۋ ارقىلى مامانداندىرىلعان ۇيىمدارعا جۇگىنۋى نە ونى وزدەرى الماتى وبلىسىنىڭ ىلە جانە قاراساي اۋداندارىندا ورنالاسقان پوليگوندارعا جەتكىزۋلەرى ءتيىس.