الماتىدا 1976 جىلدان باستاپ پايدالانۋعا بەرىلگەن قۇبىردى اۋىستىرۋ ءۇشىن قوجانوۆ كوشەسىندەگى قوزعالىس شەكتەلەدى
الماتىدا قوجانوۆ كوشەسى بويىنشا 1،24 كم جىلۋمەن جابدىقتاۋ جەلىلەرى اۋىستىرىلادى
2024 جىلعى 27 ماۋسىم مەن 15 قىركۇيەك ارالىعىندا الماتىنىڭ بوستاندىق اۋدانىندا الماگۇل شاعىن اۋدانىنىڭ 15 ۇيىنەن جاروكوۆ كوشەسىنە دەيىن قوجانوۆ كوشەسى بويىنشا اۆتوكولىك قوزعالىسى جابىلادى.
قوزعالىس ەكى جاققا دا جابىلادى.
1976 جىلدان باستاپ پايدالانۋعا بەرىلگەن، اتالعان كوشە سەگمەنتىنىڭ ءجۇرىس بولىگىنىڭ استىنان وتەتىن جالپى ۇزىندىعى 1240 مەتر قۇبىردى قايتا جاڭارتۋ ۋچاسكەسىندە جوسپارلى جۇمىستاردى جۇرگىزۋ قاۋىپسىزدىگىن قامتاماسىز ەتۋ ءۇشىن ۋاقىتشا شەكتەۋلەر ەنگىزىلەدى.
بۇل قۇبىر 153 كوپپاتەرلى تۇرعىن ءۇيدى، 7 جەكە ءۇيدى، 5 بالاباقشانى، 4 ءبىلىم بەرۋ وبەكتىسىن، 2 دەنساۋلىق ساقتاۋ وبەكتىسىن جانە 15 وزگە دە وبەكتىنى جىلۋمەن جانە ىستىق سۋمەن قامتاماسىز ەتەدى. اتالعان تۇتىنۋشىلارعا رەكونسترۋكسيا جۇرگىزۋ كەزەڭىندە ىستىق سۋمەن جابدىقتاۋ ساقتالادى.
ۋاقىتشا قولايسىزدىقتارعا تۇسىنىستىكپەن قاراۋدى جانە كورسەتىلگەن ۋچاسكەنى اينالىپ ءوتۋ جولدارىن الدىن الا قاراستىرۋدى سۇرايمىز.
«الماتى جىلۋ جۇيەسى» ج ش س