بايقاۋ جاس مامانداردى قولداۋعا جانە ىنتالاندىرۋعا باعىتتالعان. ونىڭ شارتتارى تۋرالى الماتى قالاسىنىڭ وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى جاستار ساياساتى باسقارماسىنىڭ وكىلى باياندادى.
«Jas Kenes Siylygy» - قازاقستان رەسپۋبليكاسى پرەزيدەنتىنىڭ جانىنداعى جاستار ساياساتى جونىندەگى كەڭەستىڭ باستاماسىمەن قۇرىلعان تاۋەلسىز جاستار سىيلىعى، دەپ حابارلايدى Almaty-akshamy.kz.
ق ر پرەزيدەنتى جانىنداعى جاستار ساياساتى كەڭەسىنىڭ مۇشەسى، «Asar Ume» قورىنىڭ باسشىسى اسحات نۇرماشيەۆ بايقاۋ قوعامنىڭ ماڭىزدى سالالارىنا ۇلەسىن قوسىپ جۇرگەن جاس مامانداردىڭ ەڭبەگىنە نازار اۋدارۋعا مۇمكىندىك بەرەتىنىن اتاپ ءوتتى.
«Jas Kenes Siylygy» بايقاۋىنىڭ باستالعانىن جاريالايتىن كۇن دە جەتتى. ءبىز بۇرىن نازاردان تىس قالىپ كەلگەن سالا ماماندارىنىڭ اراسىنان ۇزدىكتەرىن جيناۋعا تىرىسامىز. بۇل پرەميانىڭ ەرەكشەلىگى سول، باسشىلىق قىزمەتىنەن تىس جاس مامانداردىڭ قاتىسۋىندا. بايقاۋعا ءجيى كوزگە كورىنە بەرمەيتىن، كوپشىلىك نازار اۋدارا بەرمەيتىن قىزمەت تۇرلەرىنىڭ وكىلدەرى تاڭدالادى. ولار ءبىزدىڭ اينالامىزدا ماڭىزدى ماماندىق يەلەرى. بايقاۋ بارىسىندا ءبىز ۇزدىكتەردىڭ ۇزدىگىن تاڭدايمىز»، - دەدى ول.
بريفينگتە ءسوز سويلەگەن الماتى قالاسى جاستار ساياساتى باسقارماسى باسشىسىنىڭ ورىنباسارى ازيز كاجدەنبەك بايقاۋ جەڭىمپازدارى ءبىر ميلليون تەڭگە كولەمىندە سىيلىق الاتىنىن اتاپ ءوتتى. بۇل جۇلدەگە 35 جاسقا دەيىنگى قازاقستان رەسپۋبليكاسىنىڭ ازاماتتارى ۇمىتكەر بولا الادى.
«كونكۋرسقا قاتىسۋعا ءوتىنىمدى 2024 جىلعى 18 ماۋسىم مەن 18 شىلدە ارالىعىندا jaskenes.kz سايتى ارقىلى بەرۋگە بولادى. وتىنىمدەر ق ر پرەزيدەنتى جانىنداعى جاستار ساياساتى جونىندەگى كەڭەستە بەلگىلەنگەن مەرزىمدە قابىلدانادى»، - دەپ اتاپ ءوتتى ول.
سىيلىق 2024 جىلدان باستاپ جىل سايىن كەلەسى نوميناسيالار بويىنشا بەرىلەدى:
- «Janqiarlyq»، قۇقىق قورعاۋ ورگاندارىنىڭ، اۆاريالىق-قۇتقارۋ قىزمەتتەرىنىڭ جانە قوعامدىق قاۋىپسىزدىك جۇيەسىنىڭ وزگە دە ۇيىمدارىنىڭ وكىلدەرى ءۇشىن؛
- «Altyn jürek»، ورتا مەديسينالىق پەرسونال ءۇشىن (جەدەل مەديسينالىق كومەك، اكۋشەرلەر جانە ت. ب.)؛
- «Önerkäsıp»، وڭدەۋ ونەركاسىبىنىڭ، تاۋ-كەن مەتاللۋرگيا كەشەنىنىڭ، اگروونەركاسىپتىك سەكتوردىڭ، تاماق ونەركاسىبى ۇيىمدارىنىڭ، ەنەرگەتيكا سەكتورىنىڭ قىزمەتكەرلەرى جانە وندىرىستىك سەكتوردىڭ باسقا دا وكىلدەرى ءۇشىن؛
- «Bolaşaq turaly qamqorlyq»، مەكتەپكە دەيىنگى، ورتا، ارنايى ورتا ءبىلىم بەرۋ مەكەمەلەرىنىڭ پەداگوگتەرى، سونداي-اق مامانداندىرىلعان قىزمەتتەر كورسەتەتىن ينكليۋزيۆتى وقۋ ورتالىقتارىنىڭ قىزمەتكەرلەرى ءۇشىن؛
- «Adamgerşılık»، بالالار ۇيلەرىنىڭ، قارتتار ۇيلەرىنىڭ، حوسپيستەردىڭ، جانۋارلارعا ارنالعان باسپانالاردىڭ جانە وسىنداي الەۋمەتتىك قىزمەتتەر كورسەتەتىن وزگە دە ۇيىمداردىڭ وكىلدەرى ءۇشىن؛
- «Kömek qoly»، زارداپ شەككەندەرگە جانە قازاقستاندا جانە ودان تىس جەرلەردە مۇقتاج ادامدارعا ەرىكتى كومەك كورسەتۋدى ۇيىمداستىرۋدا ءوزىن كورسەتكەن ەرىكتىلەر ءۇشىن؛
- «Bızdıñ üi»، كوممۋنالدىق جانە ينفراقۇرىلىمدىق قىزمەتتەردىڭ وكىلدەرى، پيك، ميب (سانتەحنيكتەر، ەلەكتريكتەر جانە ت.ب.) قىزمەتكەرلەرى، سونداي-اق ەلدى مەكەندەردىڭ تىنىس-تىرشىلىگىن قامتاماسىز ەتۋگە جاۋاپتى وزگە دە ۇيىمدار ءۇشىن.
كەلىپ تۇسكەن وتىنىمدەردى قازاقستان رەسپۋبليكاسى پرەزيدەنتىنىڭ جانىنداعى جاستار ساياساتى جونىندەگى كەڭەس مۇشەلەرىنىڭ قاتارىنان قۇرىلعان جانە كەمىندە 7 ادامنان تۇراتىن كوميسسيا قارايدى.
كوميسسيانى ونىڭ مۇشەلەرى اراسىنان سايلاناتىن ءتوراعا باسقارادى. كوميسسيانىڭ قۇرامىن قازاقستان رەسپۋبليكاسى پرەزيدەنتىنىڭ جانىنداعى جاستار ساياساتى جونىندەگى كەڭەستىڭ ءتوراعاسى بەكىتەدى. كوميسسيا وتىرىسى، ەگەر وعان مۇشەلەرىنىڭ جارتىسىنان كوبى قاتىسسا، زاڭدى بولىپ سانالادى.
سىيلىق الۋعا ۇسىنىلعان كانديداتۋرالاردى كوميسسيا ءۇش كەزەڭدە قارايدى:
- ءبىرىنشى، وتىنىمدەردى تولتىرۋدىڭ تولىقتىعى مەن دۇرىستىعىن تەحنيكالىق باعالاۋ؛
- ەكىنشى، كوميسسيا مۇشەلەرىنىڭ كەلىپ تۇسكەن وتىنىمدەردى جەكە قاراۋى. وسى كەزەڭ شەڭبەرىندە كوميسسيا مۇشەلەرى ءوتىنىمدى ءارتۇرلى كورسەتكىشتەر بويىنشا ون بالدىق شكالا بويىنشا باعالايدى. كانديدات بالدارىنىڭ قورىتىندى ءمانى كوميسسيانىڭ بارلىق مۇشەلەرى باعالايتىن بارلىق كورسەتكىشتەر بويىنشا بالدار سوماسىنىڭ ورتاشا ءمانىن ەسەپتەۋ جولىمەن ەسەپتەلەدى؛
- ءۇشىنشى، كوميسسيا مۇشەلەرىمەن وفلاين نەمەسە ونلاين فورماتتا سۇحباتتاسۋعا كانديداتتاردىڭ قىسقا ءتىزىمىن (ەكىنشى كەزەڭدە ەڭ كوپ بالل جيناعان كانديداتتاردىڭ 10%) شاقىرۋ. ءۇشىنشى كەزەڭدە كوميسسيانىڭ ءاربىر مۇشەسى ءبىرىنشى ورىننان ءۇشىنشى ورىنعا رەيتينگ بەرۋ ارقىلى ۇزدىك ءۇش ۇمىتكەرگە داۋىس بەرەدى. بۇل رەتتە 1-ورىن ءۇشىن 5 بالل، 2 – ورىن ءۇشىن – 3 بالل، ءبىرىنشى ورىن ءۇشىن-1 بالل بەرىلەدى. كوميسسيا مۇشەلەرىنىڭ ەڭ كوپ بالل جيناعان ەكى كانديدات ءوز نوميناسياسى بويىنشا جەڭىمپاز بولىپ تانىلادى.
«كوميسسيانىڭ سىيلىق لاۋرەاتتارىنىڭ تىزبەسىن بەكىتۋ تۋرالى شەشىمى كوميسسيا وتىرىسىندا قاراپايىم كوپشىلىك داۋىسپەن اشىق داۋىس بەرۋ ارقىلى قابىلدانادى. داۋىستار تەڭ بولعان كەزدە كوميسسيا ءتوراعاسى داۋىس بەرگەن شەشىم قابىلداندى دەپ ەسەپتەلەدى. كونكۋرستىق ىرىكتەۋ ناتيجەلەرى تۋرالى الەۋمەتتىك جەلىلەر، بۇقارالىق اقپارات قۇرالدارى جانە ينتەرنەت-سايتتار ارقىلى حابارلاناتىن بولادى»، - دەپ اتاپ ءوتتى ا.كاجدەنبەك.
ماراپاتتاۋ ءراسىمى بارىسىندا سىيلىققا يە بولعان ادامدارعا ءتيىستى ديپلوم، اقشالاي سىياقى بەرىلەدى، سونداي-اق ءىس-شارانىڭ سەرىكتەستەرى مەن دەمەۋشىلەرىنەن قوسىمشا باعالى سىيلىقتار تابىس ەتىلۋى مۇمكىن.