الماتىدا قوعامدىق ۇيىمدار مەن مادەنيەت قايراتكەرلەرىنىڭ قاتىسۋىمەن اۋقىمدى سەنبىلىك ءوتتى

اۋقىمى جاعىنان ەڭ ءىرى سەنبىلىك ناۋرىزباي اۋدانىندا ءوتتى، دەپ حابارلايدى aqshamnews.kz

«تازا قازاقستان» جالپىۇلتتىق ەكولوگيالىق اكسياسى اياسىندا «راحات» شاعىناۋدانىنداعى ساياباققا قالانىڭ ءماسليحات دەپۋتاتتارى، مادەنيەت وكىلدەرى مەن قوعام بەلسەندىلەرى قاتىستى.

سەنبىلىككە قاتىسقان الماتى اكىمىنىڭ ورىنباسارى ازامات قالدىبەكوۆ ناۋرىزباي اۋدانىنىڭ تۇرعىندارىنا جانە بەي-جاي قارامايتىن قالا تۇرعىندارىنا ۇندەۋ جاسادى.

– بۇل وزگەرىس قالانىڭ تازالىعى مەن ەكولوگيالىق جاعدايىنا عانا ەمەس، بۇكىل قوعامدىق مادەنيەتىمىزگە اسەر ەتەدى. مۇنداي يگى ىستەر داستۇرگە اينالۋعا ءتيىس. ورتاق ءۇيىمىزءدى تازا ۇستايىق، – دەپ اكىمءنىڭ ورىنباسارى سەنبىلىككە قاتىسقان تۇرعىندارعا ريزاشىلىعىن ءبىلدىردى.

الماتى قالاسى قوعامدىق كەڭەسىنىڭ مۇشەسى ەرمەك قوجامسۇگىروۆ قالا تازالىعىنىڭ ماڭىزىمەن قاتار، مۇنداي شارالار الماتىلىقتاردى ورتاق ماقساتقا جۇمىلدىراتىنىن اتاپ ءوتتى.

– مۇنداي سەنبىلىكتەر تۇراقتى تۇردە وتكىزىلىپ تۇرسا، ول قوعامنىڭ بىرىگۋىنە ۇلكەن سەپتىگىن تيگىزەدى. قالا تۇرعىندارى دەپۋتاتتار مەن بەلسەندىلەردىڭ بىرگە جۇرگەنىن كورگەندە، وزدەرى دە ۇلگى الادى، – دەدى قوعام قايراتكەرى.

سەنبىلىككە مادەنيەت سالاسىنىڭ وكىلدەرى دە بەلسەندى قاتىسىپ، ۇلەس قوستى. قازاق مەملەكەتتىك سيركىنىڭ قىزمەتكەرلەرى ۇجىم بولىپ جينالىپ، ساياباق اۋماعىن تازالاۋعا اتسالىستى.

– «تازا قازاقستان» ەكولوگيالىق باستاماسى اياسىندا ءبىز بۇعان دەيىن الماتى سيركى اۋماعىن اباتتاندىرىپ، كەيىن «الماتى ارەنا» ماڭىنداعى سەنبىلىككە قاتىستىق. بۇگىن 30-عا جۋىق ارىپتەسىمىز ناۋرىزباي اۋدانىندا جۇمىس ىستەپ جاتىر. ءاربىر الماتىلىق اينالاسىن تازا ۇستاۋعا اتسالىسسا، قوعامدا بەيبەرەكەت قوقىس تاستاۋ ازايادى، – دەدى قازاق مەملەكەتتىك سيركىنىڭ شىعارماشىلىق دامۋ جونىندەگى ديرەكتورىنىڭ ورىنباسارى نۇرلان التايەۆ.

– سەنبىلىكتەر ءار ءۇيدىڭ جانىندا، ءار شاعىناۋداندا ءوتىپ جاتىر. مەن بۇل جەرگە ارىپتەستەرىممەن بىرگە بولۋ ءۇشىن كەلدىم. «تازا قازاقستان» ەڭ الدىمەن وتباسىدان، ۇيدەن باستالادى. ءۇي مەن اۋلا، قوعامدىق كەڭىستىك تازا بولسا – ادامنىڭ جان دۇنيەسى دە تازارادى، – دەدى مادەنيەت قايراتكەرى بەيبىتگۇل نۇرىمقوجينا.

– الماتى مەنىڭ 50 جىلدان استام ءومىرىم وتكەن سۇيىكتى قالام. بۇل قالا مەن ءۇشىن ەرەكشە. اۋلامىزدى ءاردايىم تازا ۇستاۋعا تىرىسامىز. بۇگىن دوستارىممەن بىرگە قوعامدىق ورىندى تازالاۋعا كەلدىك، – دەدى قازاقستاننىڭ ەڭبەك سىڭىرگەن مادەنيەت قايراتكەرى امانتاي بەرعالييەۆ.

سەنبىلىككە اتىراۋدان كەلگەن كومپوزيتور، ءوز قالاسىنىڭ ءانۇرانىنىڭ اۆتورى بولات كوحامانوۆ تا قاتىستى:

– مەن دە الماتىنىڭ تازالىعىنا ۇلەس قوسۋدى ءجون كوردىم. اتىراۋدا دا ءبىز، وبلىستىق فيلارمونيا قىزمەتكەرلەرى، ۇنەمى سەنبىلىكتەرگە قاتىسامىز، – دەدى مەگاپوليس قوناعى.

سەنبىلىككە الماتىداعى ءتۇرلى ەتنومادەني ورتالىق وكىلدەرى دە بەلسەندى قاتىستى.

– بۇگىن قالامىزدا ەكولوگيالىق اكسيا ءوتءىپ جاتىر.جاستار بەلسەندى قاتىسۋى ءتيىس دەپ ويلايمىن. ءارادام وزىنەن باستاسا، اينالاسىن تازالاسامەگاپوليستە ءومىر ءسۇرۋ الدەقايدا جەڭىل بولادى، – دەدى دۇنگەن ەتنومادەني ورتالىعى «ShinSyn»-ءنىڭجاستار قاناتىنىڭ وكىلى ادام تەتيانكۋيەۆ. ول بىرنەشە ونداعان سەرىكتەسىمەن كەلدى.

سەنبىلىك سوڭىندا مادەنيەت قايراتكەرلەرى تۇرعىندار مەن قاتىسۋشىلارعا ارنالعان شاعىن كونسەرت ۇيىمداستىردى.

قالانىڭ بارلىق اۋدانىندا اۋقىمدى تازالىق جۇمىستارى جۇرگىزىلدى

المالى اۋدانىندا سەنبىلىككە 550-دەن استام ادام، 15 تەحنيكا قاتىسىپ، 120 م³ قوقىس شىعارىلدى.

اعاشتار سانيتارلىق ماقساتتا كەسىلىپ، جاياۋ جۇرگىنشىلەر ايماقتارى مەن قوعامدىق كەڭىستىكتەر تازارتىلدى. نازاربايەۆ – اباي – روزىباكييەۆ – شيەۆچەنكو كوشەلەرى ارالىعىنداعى اللەيا مەن «بيوكومبينات» سكۆەرى رەتكە كەلتىرىلدى. مەديسينالىق، ءبىلىم بەرۋ جانە بيزنەس نىساندارىنىڭ اۋماعى تازالاندى. ۇلكەن الماتى وزەنىنىڭ جاعالاۋى دا جيناستىرىلدى.

اۋەزوۆ اۋدانىندا 1300-گە جۋىق ادام، ونىڭ ىشىندە اكىمدىك قىزمەتكەرلەرى، جاستار، تۇرعىندار مەن مەردىگەر ۇيىم وكىلدەرى قاتىستى.

«التىن بەسىك» شاعىناۋدانىنداعى ساياباقتا قوقىس جيناۋ، اعاشتاردى اكتەۋ، ورىندىقتاردى سىرلاۋ، تولە بي كوشەسىنىڭ سوڭىنا دەيىنگى ۋچاسكەدە تازالىق جۇمىستارى جۇرگىزىلدى. 400 م³-تان استام قوقىس شىعارىلدى، 23 ارنايى تەحنيكا جۇمىلدىرىلدى.بۇدان كەيىن ترۋدوۆايا جانە جەكسەنبايەۆا كوشەلەرى بويىمەن تولە بي كوشەسىنىڭ سوڭىنا دەيىن سەنبىلىك جالعاستى. 400 م³ قوقىس جينالدى. 23 ارنايى تەحنيكا تارتىلدى.

اۋەزوۆ اۋدانى كورىكتەندىرۋ ءبولىمىنىڭ باسشىسىنۇرلان وماروۆتىڭ ايتۋىنشا، دەمالىس كۇنى مەن اپتاپ ىستىققا قاراماستان، تۇرعىندار سەنبىلىككەقاتىستى:

-بۇگىن اۋەزوۆ اۋدانىندا بۇگىن كوشەلەر مەن جەكەلەگەن اۋماقتاردى تازارتۋعا شامامەن 1300 ادام قاتىستى. بۇل تۇرعىندار، اكىمدىك اپپاراتىنىڭ قىزمەتكەرلەرى، كوممۋنالدىق قىزمەت وكىلدەرى، بەلسەندىلەر مەن جاستار. 23 ارنايى تەحنيكا بىرلىگى 400 تەكشە مەترگە دەيىن قوقىس جيناپ، شىعارۋعا كومەكتەستى.

بىرنەشە ساعات ىشىندە قوقىس جيناۋ، وسىمدىكتەردى شابۋ، سانيتارلىق ماقساتتا اعاش كەسۋ جانە كوشەتتەردى سۋارۋ، جاسىل ايماقتاردى ارامشوپتەن تازارتۋ، تروتۋارلاردى جۋۋ جانە ارىقتاردى تازارتۋ، كولەمدى قوقىستى شىعارۋ سياقتى جۇمىستار اتقارىلدى. قالا بويىنشا وتكەن سەنبىلىككە قاتىسقان ازاماتتاردىڭ اۋىزبىرشىلىگى الماتىلىقتارعا سۇيىكتى قالامىزدى تازا ۇستاۋ – ءبارىمىزدىڭ ورتاق مىندەتىمىز ەكەنىن ەسكە سالادى دەپ سەنەمىز.

مەردىگەر ۇيىمداردىڭ ءبىرىنىڭ قىزمەتكەرى سەيداحمەت بەكبەرگەنوۆ ازاماتتاردىڭ بىرلەسكەن كۇش-جىگەرىمەن عانا كوشەلەرىمىز بەن سكۆەرلەردە تازالىققا قول جەتكىزۋگە بولاتىنىن اتاپ ءوتتى:

- ءبىز ماۋسىمدىق جۇمىستارعا ءارقاشان ۇلگەرمەيمىز، سوندىقتان ءاۋەزوۆ اۋدانىنىڭ اكىمدىگى مەن تۇرعىندارىنا وسى سكۆەر مەن ونىڭ ماڭىنداعى اۋماقتاردى كوركەيتۋگە ۇلەس قوسقانى ءۇشىن العىسىمىزدى بىلدىرەمىز، – دەدى

الاتاۋ اۋدانىندا دا قوعام بەلسەندىلەرى مەن مادەنيەت قايراتكەرلەرىنىڭ قاتىسۋىمەن سەنبىلىك ءوتتى.

مۇحاممەد ايتجانوۆ سوڭعى ايالداما ماڭىندا كەيبىر ازاماتتاردىڭ تۇرمىستىق قالدىقتى بەيبەرەكەت تاستايتىنىنا الاڭداۋشىلىق ءبىلدىردى:

– قالقامانعا باراتىن كوشە بويى جابايى قوقىس ۇيىندىسىنە اينالىپ كەتكەن، بۇگىن ءبىز ونى تازالايمىز. مۇنى كورگەن تۇرعىندار ءتيىستى قورىتىندى شىعارىپ، بۇل ورىن بولاشاقتا الدەقايدا تازا بولادى دەپ ۇمىتتەنەمىن. مۇنداي سەنبىلىكتەردە ەڭ الدىمەن جاستارعا جانە ءوسىپ كەلە جاتقان ۇرپاققا ءوز تۇراتىن جەرىن ءسۇيۋ – تەك ادەمى ءسوز ەمەس، ناقتى ارەكەت ەكەنىن ءتۇسىندىرۋ وتە ماڭىزدى. قالامىز الماتىدا كەي جەردە ەمەس، بارلىق اۋماقتا تازالىق بولۋى ءۇشىن ءار ازامات ۇلەسىن قوسۋعا ءتيىس.

ءۇش ساعاتقا سوزىلعان تازالاۋ شارالارىنان كەيىن، قاتىسۋشىلار الماتىنىڭ كوركەيتۋگە قوسقان ۇلەسىنە ريزا بولىپ، ۇيىنە تارقاستى.

«تازا قازاقستان» باعدارلاماسى اياسىندا بوستاندىق اۋدانىندا كەڭ اۋقىمدى تازالىق جانە كوركەيتۋ اكسياسى ءوتتى.

قازاقفيلم شاعىناۋدانىنداعى ۆيشنيەۆايا كوشەسىنىڭ بوس اۋماعى تازارتىلدى. جۇمىسقا كوممۋنالدىق قىزمەتتەر، بوستاندىق اۋدانى اكىمدىگى اپپاراتىنىڭ قىزمەتكەرلەرى، بوستاندىق كوميۋنيتي-ورتالىعىنىڭ جاستارى قاتىستى.

ءىس-شاراعا بيزنەس وكىلدەرى، كاسىپكەرلەر، مەديسينا مەكەمەلەرى، مەكتەپتەر مەن بالاباقشالار دا بەلسەندى تۇردە اتسالىستى.

ناتيجەسىندە: اعاش بۇتاقتارى كەسىلىپ، جاياۋ جۇرگىنشى ايماقتارى مەن قوعامدىق كەڭىستىكتەر تازالاندى، جاسىل ايماقتارعا ءتارتىپ ورناتىلدى، 250 تەكشە مەتردەن استام قوقىس شىعارىلدى.

جالپى، اۋداندىق ەكواكسياعا 1470-تەن استام ادام قاتىستى، 23 تەحنيكا بىرلىگى جۇمىلدىرىلدى.

مەدەۋ اۋدانىندا تازالىق جۇرگىزىلگەن اۋماقتار: الاتاۋ شاعىناۋدانى، يبراگيموۆ كوشەسى، تاۋلى قىرات شاعىناۋدانى جانە جاماقايەۆ كوشەسى.
بارلىعى 283 ادام قاتىسىپ، 210 تەكشە مەتر قوقىس شىعارىلدى. 25 تەحنيكا بىرلىگى جۇمىس ىستەدى.

اتقارىلعان جۇمىستار: سانيتارلىق تازالاۋ، اعاشتاردى كەسۋ، ءشوپ شابۋ، ورىندىقتار، قوقىس جاشىكتەرى مەن قورشاۋلاردى سىرلاۋ، ارىق جۇيەسىن تازارتۋ.

سەنبىلىك اياسىندا تۇرعىندارعا ارنالعان قوقىستى بولەك جيناۋ بويىنشا ينتەراكتيۆتى كونكۋرس، كوممۋنالدىق قىزمەتتەردىڭ قاتىسۋىمەن تاڭعى جاتتىعۋ جانە فلەشموب وتكىزىلدى.

تۇركسىب اۋدانىنداعى «قايرات» ىقشاماۋدانىندا «تازا قازاقستان» باعدارلاماسىنا سايكەس جەرگىلىكتى سەنبىلىك ۇيىمداستىرىلدى.
بارلىق اۋماقتا كەشەندى سانيتارلىق تازالىق جۇرگىزىلدى، سونىڭ ىشىندە:

داۋلەتكەرەي كوشەسى مەن 18ء-شى كوشەگە ەرەكشە نازار اۋدارىلدى. جۇمىسقا كوممۋنالدىق قىزمەتتەر مەن اكىمدىك قىزمەتكەرلەرى قاتىسىپ، 195 ادام جۇمىلدىرىلدى.

ءىس-شارالارعا اۋدان اۋماعىنداعى مەديسينا مەكەمەلەرى، جەكە ۇيىمدار مەن قۇرىلىسكومپانيالارى دا اتسالىستى.

اتقارىلعان جۇمىستارعا: اعاشتاردى سانيتارلىق ماقساتتا كەسۋ جانە جول بەلگىلەرىنىڭ كورىنۋىن قامتاماسىز ەتۋ ءۇشىن جاسىل جەلەكتەردىڭ ساباعىن كوتەرۋ،
جاياۋ جۇرگىنشى جولدارى مەن قوعامدىق اۋماقتاردى تازارتۋ، جولاقتارداعى جاسىل ايماقتاردى تەگىستەۋ، ارىق جۇيەسىن كەشەندى تازارتۋ جانە جينالعان قوقىستى شىعارۋ، 110 تەكشە مەتردەن استام قوقىس شىعارىلدى.
سەنبىلىككە جالپى 1345 ادام قاتىستى، 14 تەحنيكا بىرلىگى جۇمىلدىرىلدى.

جەتىسۋ اۋدانىندا وتكەن اكسياعا 200 ادام قاتىسىپ، 234 تەكشە مەتر قوقىس شىعارىلدى.

جۇمىسقا 20 ارنايى تەحنيكا تارتىلىپ، ءشوپ شابۋ، قوقىس جيناۋ، اعاش ساباعىن كوتەرۋ، سىپىرۋ، اعاشتاردى قالىپتى كەسۋ، جاياۋ جۇرگىنشى جولدارىن جۋۋ سىندى جۇمىستار ىستەلدى.