الماتىدا قوعامدىق كولىكتە ۇرلىق جاساعان ەكى ادام ۇستالدى

ۇرلىق جاساپ، وڭاي اقشا تاپپاق بولعاندار ۇستالدى. 

ولاردىڭ ءبىرى – 30 جاستاعى ا. ەسىمدى ازامات №86 قوعامدىق كولىكتە ۇرلىق جاساعانى ءۇشىن ۇستالدى. قاسكويدىڭ ولجاسى Samsung تەلەفونى بولدى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

 «كۇدىكتى قوعامدىق كولىكتىڭ جولاۋشىسىنا 300 مىڭ تەڭگە كولەمىندە ماتەريالدىق شىعىن كەلتىردى. ۇرىنىڭ قاربالاس ۋاقىتتا اۆتوبۋستارعا ءمىنىپ، جولاۋشىلاردىڭ قالتاسىن تەكسەرىپ، قوعامدىق كولىكتىڭ ءبىر باسىنان ەكىنشى جاعىنا دەيىن جۇرگەنىن ارنايى توپ قىزمەتكەرلەرى جەدەل تۇردە انىقتادى. قازىرگى ۋاقىتتا جەتىسۋ اۋداندىق پوليسيا باسقارماسى سوتقا دەيىنگى تەرگەۋ امالدارىن جۇرگىزىپ جاتىر. الماتىنىڭ ناۋرىزباي اۋدانىندا وسىعان ۇقساس سەناريي بويىنشا ارەكەت ەتكەن تاعى ءبىر وڭاي اقشانى ۇناتاتىن ازامات ۇستالدى. 40 جاستاعى ك.ەسىمدى ازامات №15 اۆتوبۋستا قارت ايەلدىڭ سومكەسىنەن ۇيالى تەلەفونىن ۇرلاپ كەتكەن. بۇل ءسات بەينەباقىلاۋ كامەراسىنا ءتۇسىپ قالعان. تەرگەۋدىڭ قازىرگى كەزەڭىندە بۇل كۇدىكتىنىڭ وسىعان ۇقساس ءۇش قىلمىسقا قاتىسى بار ەكەندىگى انىقتالدى»، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.

ەكى كۇدىكتى دە ۋاقىتشا ۇستاۋ يزولياتورىنا قامالدى.