كورمەگە كىرۋ تەگىن.
قايتا وڭدەلگەن بۇيىمدار كورمەسى Esentay Gallery-دا 25 قازانعا دەيىن جالعاسادى، دەپ حابارلايدى Almaty-akshamy.kz
بۇگىن الماتىدا Air Astana اۋە كەمەلەرىنىڭ پايدالانىلعان بولشەكتەرىن كرەاتيۆتى قايتا وڭدەۋگە ارنالعان Upcycling for the Future پيلوتتىق جوباسىن تانىستىردى. Boeing 767 جانە Airbus 320 ۇشاقتارىنىڭ پايدالانۋدان شىعارىلعان بولىكتەرى، اتاپ ايتقاندا مۇرىن، باگاج بولىگىنىڭ قاقپاقتارى، جولاۋشىلار كرەسلولارىنىڭ قۇرىلىمدارى، سونداي-اق ۇشاق سالونىنىڭ جۇمساق ماتاسى جيھاز جانە ىشكى كورىنىسىنىڭ اشەكەيلەرىنە اينالدىرىلدى.
بۇل - اۋە كومپانياسىنىڭ ۇشاق بولشەكتەرىن ءبىرىنشى رەت قايتا پايدالانۋى. ينتەرەر زاتتارىنا ۇستەلدەر، ساكىلەر، كرەسلولار، سونداي-اق جۇمساق ماتادان جاسالعان جولدوربالار جاتادى. بۇل زاتتاردىڭ بارلىعىن كەڭسە ىشىندە دە، تۇرعىن ءۇي-جايلاردا دا، اشىق الاڭداردا دا پايدالانۋعا بولادى. كادەگە جاراتۋ پروسەسىندە قولدانىلاتىن تەحنولوگيالار ءارتۇرلى تەمپەراتۋرا مەن كليماتتىق جاعدايلاردى كوتەرۋگە مۇمكىندىك بەرەدى.
«بىرەگەي بولشەكتەر مەن سيرەك ماتەريالداردى قايتا وڭدەۋ ارقىلى ءبىز تۇراقتى دامۋ ماقساتتارىنا سايكەس كەلەتىن ۇزاق مەرزىمدى ونىمدەردى جاساپ قانا قويماي، سونىمەن قاتار اۋە كەمەسىنىڭ رۋحىنىڭ ءبىر بولىگىن، ساياحات كەزىندە جولاۋشىلاردىڭ سەزىنگەن ەموسيالارىن ساقتايمىز جانە سول ارقىلى وسى زاتتاردى كۇندەلىكتى كونتەكستككە كوشىرەمىز»، - دەدى كورمەنىڭ اشىلۋىندا كومپانيا پرەزيدەنتى پيتەر فوستەر.
اۋەكومپانيا وتىن ۇنەمدەيتىن ۇشاقتاردى پايدالانۋ، كەڭسەلەردە قالدىقتاردى بولەك جيناۋ ارقىلى تۇراقتى دامۋ ساياساتىن بىرتىندەپ جۇزەگە اسىرۋدا، سونداي-اق ەلەكتروندى قۇجات اينالىمى مەن زاماناۋي تەحنولوگيالاردى ەنگىزۋ ارقىلى قورشاعان ورتاعا تەرىس اسەردى ازايتادى.
