جەتىسۋ اۋداندىق پوليسيا باسقارماسىنا 33 جاستاعى ايەلدەن ارىز تۇسكەن.
ايتۋىنشا، تۇسكى ۋاقىتتا 130-باعىتتاعى قوعامدىق كولىكتە بەلگىسىز بىرەۋ ونىڭ 180 مىڭ تەڭگە اقشاسىن ۇرلاپ كەتكەن، دەپ حابارلايدى Almaty-akshamy.kz Polisia.kz-كە سىلتەمە جاساپ.
«جەدەل-ىزدەستىرۋ شارالارى قاسكويدىڭ جەكە باسىن انىقتاۋعا مۇمكىندىك بەردى. ول 33 جاستاعى ك.ەسىمدى ازامات بولىپ شىقتى. ۇرلىق قوعامدىق كولىك سالونىنا ورناتىلعان بەينەباقىلاۋ كامەراسىنا ءتۇسىپ قالعان. “ءىزىن سۋىتپاي” ۇستالعان كۇدىكتى بوتەننىڭ مۇلكىن ۇرلاعانىن مويىندادى. ونىڭ ارەكەتى ق ر قك-نىڭ 188-بابى 1-بولىگى بويىنشا سارالاندى. قازىرگى ۋاقىتتا سوتقا دەيىنگى تەرگەۋ امالدارى جۇرگىزىلىپ جاتىر»، – دەدى جەتىسۋ اۋداندىق پوليسيا باسقارماسىنىڭ باستىعى جانىبەك شىناسىلوۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.