زارداپ شەككەندەر جوق.
الماتىدا قالالىق جولاۋشىلار اۆتوبۋسى مەترو ستانسياسىنىڭ كىرەبەرىس قۇرىلىمىنا سوعىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
جول اپاتىنىڭ ۆيدەوسى الەۋمەتتىك جەلىدە تارادى.
«قاسكەلەڭ اۆتوبۋس پاركى» ج ش س تاسىمالداۋشى كومپانياسىنىڭ مالىمەتىنشە، جول-كولىك وقيعاسى 28 جەلتوقسان كۇنى تاڭعى ۋاقىتتا اباي كوشەسىنىڭ بويىندا ياساۋي مەن مومىش ۇلى ارالىعىندا بولعان.
«28 جەلتوقساندا تاڭعى ساعات 7:30 شاماسىندا №78 مارشرۋتتىڭ جۇرگىزۋشىسى «ب. مومىش ۇلى مەتروبەكەتىنە» كىرەبەرىستەگى اينەك قۇرىلىمىنا سوعىلدى. زارداپ شەككەندەر جوق»، - دەپ حابارلادى كومپانيادان.
اۆتوپارك باسشىلىعى ۋاكىلەتتى ورگان الماتى قالالىق پوليسيا دەپارتامەنتىمەن بىرلەسىپ، قولدانىستاعى زاڭناما اياسىندا شارا قابىلداناتىنىن جەتكىزدى.