الماتىدا قوعامدىق كولىك جۇرگىزۋشىسىن قورقىتقان بۇزاقى ۇستالدى، – دەپ حابارلايدى aqshamnews.kz Polisia.kz-كە سىلتەمە جاساپ.
بۇل دەرەك الەۋمەتتىك جەلىلەرگە جۇرگىزىلگەن مونيتورينگ بارىسىندا انىقتالدى. كۋاگەرلەردىڭ ۆيدەوسىندا ەر ادامنىڭ اۋەلى اۆتوبۋستىڭ ەسىگىن تەۋىپ، سوسىن پىشاق سياقتى كورىنگەن زاتتى سىلتەپ، جۇرگىزۋشىنى قورقىتقانى كورىنەدى.
– وقيعا تاڭەرتەڭ ەرتە نازاربايەۆ پەن رايىمبەك داڭعىلدارىنىڭ قيىلىسىنداعى قوعامدىق كولىكتەردىڭ سوڭعى ايالداماسىندا بولعانى انىقتالدى. وسى قىلمىستى اشۋ جانە ونىڭ وبەكتيۆتى ءمان-جايىن انىقتاۋ ءۇشىن قالانىڭ بەينەباقىلاۋ جۇيەلەرىنە تالداۋ جۇرگىزىلىپ، ناتيجەسىندە قىلمىسقا قاتىسى بار ادام انىقتالدى. ول ۇستالىپ، ۋاقىتشا ۇستاۋ يزولياتورىنا ورنالاستىرىلدى. بۇزاقىلىق دەرەگى بويىنشا قىلمىستىق ءىس قوزعالدى. تەرگەۋ بارىسىندا كۇدىكتى مەن اۆتوبۋس جۇرگىزۋشىسى اراسىنداعى كيكىلجىڭ ايالداما ورنىندا تۇرعان كولىككە ءوتىپ بارا جاتقان ادامنىڭ ءمىنۋ نيەتىنەن تۋىنداعانى بەلگىلى بولدى. جۇرگىزۋشى وعان ەسكەرتۋ ايتتى، ال ءوتىپ بارا جاتقان ادام قۇرىلىس پىشاعىن شىعارعان. ەشكىم زارداپ شەككەن جوق، – دەدى جەتىسۋ اۋداندىق پوليسيا باسقارماسىنىڭ باستىعى جانىبەك شىناسىلوۆ.