2024 جىلدىڭ 27 قازانىنان باستاپ Air Astana قىسقى ۇشۋ كەستەسىنە كوشتى، دەپ حابارلايدى اۆياكومپانيانىڭ باسپا ءسوز قىزمەتى. جاڭارتىلعان كەستەدە تانىمال جاڭا باعىتتار ۇسىنىلعان.
ەندى اتىراۋ مەن دۋباي اراسىنداعى تىكەلەي رەيستەر اپتاسىنا ەكى رەت ورىندالادى، ال الماتى مەن استانادان دۋبايعا ۇشۋ جيىلىگى سايكەسىنشە 11 جانە 9 رەيسكە دەيىن كوبەيتىلدى. قازان ايىنىڭ سوڭىندا استانادان ابۋ-دابيگە رەيستەر باستالسا، جەلتوقساندا الماتىدان دا وسى باعىتقا ۇشۋ جوسپارلانۋدا.
سونىمەن قاتار ساۋد ارابياسىنا، اتاپ ايتقاندا مەدينا جانە جيددا قالالارىنا الماتى مەن شىمكەنتتەن اپتاسىنا ەكى رەت رەيستەر اشىلدى. ەكزوتيكالىق باعىتتاردى ۇناتاتىن جولاۋشىلار ءۇشىن استانادان پحۋكەتكە اپتاسىنا ءۇش رەت رەيستەر ورىندالادى. بۇل الماتىدان پحۋكەتكە جانە بانگكوكقا ۇشاتىن رەيستەردى تولىقتىرادى.