ق ر قارجىلىق مونيتورينگ اگەنتتىگى قارجى پيراميدالارىن جويۋ بويىنشا جۇيەلى جۇمىستى جالعاستىرۋدا.
قما الماتى قالاسى بويىنشا دەپارتامەنتى قالالىق پروكۋراتۋرامەن بىرلەسىپ وڭتۇستىك مەگاپوليس اۋماعىندا «Qnet» قارجى پيراميداسىن باسقارۋ فاكتىسى بويىنشا كۇدىكتىنى ۇستادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ول ازاماتتاردان اقشا جيناپ، بىرەۋىنىڭ جارنالارىنىڭ ەسەبىنەن باسقا قاتىسۋشىلاردى بايىتۋ ماقساتىندا قايتا ءبولدى.
ايتا كەتۋ كەرەك، «Qnet» قىزمەتى جەلىلىك ماركەتينگ جانە ەلەكتروندىق كوممەرسيا تۇرىندە جاسىرىلعان. ءبىرقاتار شەت ەلدەردە «Qnet» كومپانياسى قارجى پيراميداسى بولىپ تانىلدى. سونداي-اق، ونى ق ر قارجى نارىعىن رەتتەۋ جانە دامىتۋ اگەنتتىگى قارجى پيراميداسىنىڭ بەلگىلەرى بار كومپانيالار تىزىمىنە ەنگىزدى.
الماتى قالاسىنىڭ مامانداندىرىلعان تەرگەۋ سوتى كۇدىكتىگە قاتىستى 2 ايعا «قاماۋدا ۇستاۋ» تۇرىندەگى بۇلتارتپاۋ شاراسىنا سانكسيا بەردى.
ق ر قپك-نىڭ 201-بابىنا سايكەس وزگە دە اقپارات جاريا ەتۋگە جاتپايدى.
ەستەرىڭىزگە سالا كەتەيىك، بۇعان دەيىن ەلوردادا وسىنداي قارجى پيراميداسىن قۇرۋ جانە باسقارۋ فاكتىسى بويىنشا كۇدىكتى ۇستالعان بولاتىن.
قما ازاماتتاردى قىراعى بولۋعا جانە ءوز جيناقتارىن كۇماندى قارجى ۇيىمدارىنا سالماۋعا شاقىرادى.
«ەگەر ءسىز جانە ءسىزدىڭ جاقىندارىڭىز «Qnet» كومپانياسىنىڭ قىزمەتىنە تاپ بولسا، قما call-ورتالىعىنا حابارلاسۋىڭىزدى سۇرايمىز»، - دەلىنگەن حابارلامادا.