ەءلىمىزدىڭ تۇكپىر-تۇكپىرىنەن ارمان قۋىپ مەگاپوليسكە كەلگەن جاس تالاپكەرلەر ءۇشىن ەڭ وزەكتى ماسەلەنىڭ ءبىرى – باسپانا. وسى ورايدا، م.تىنىشبايەۆ اتىنداعى ALT ۋنيۆەرسيتەتىنىڭ №4 ستۋدەنتتەر ۇيىندە جاڭا داعدارىس ورتالىعىنىڭ رەسمي اشىلۋى ءوتتى.
جاستاردىڭ الەۋمەتتىك بەيىمدەلۋىنە ارنالعان قولداۋ الاڭى
بۇل باستاما قازاقستان رەسپۋبليكاسى عىلىم جانە جوعارى ءبىلىم مينيسترلىگىنىڭ جانە الماتى قالاسى اكىمدىگىنىڭ قولداۋىمەن جۇزەگە اسىرىلىپ وتىر. جاڭا ورتالىقتىڭ باستى ماقساتى – قيىن جاعدايعا تاپ بولعان ستۋدەنتتەرگە ۋاقىتشا باسپانا بەرۋ، الەۋمەتتىك قولداۋ كورسەتۋ جانە ولاردىڭ ءقاۋىپسىز ورتادا ءبىلىمىن جالعاستىرۋىنا جاعداي جاساۋ. بەس قاباتتى عيماراتتا ورنالاسقان ورتالىقتا ستۋدەنتتەردىڭ تۇرمىس-تىرشىلىگىنە قاجەتتى بارلىق جاعداي قاراستىرىلعان. ءار بولمەدە جەكە سانيتارلىق بولمە مەن ىڭعايلى توسەك- ورىن بار.
سونىمەن قاتار، مەديسينالىق كومەك كورسەتەتىن پۋنكت، اس ازىرلەۋگە ارنالعان ارنايى بولمە جانە دەمالىس ايماقتارى جابدىقتالعان. مۇندا 50 ورىن دايىندالعان. جوبانىڭ ەرەكشەلىگى – ورتالىق تەك ۋاقىتشا باسپانا عانا ەمەس، ستۋدەنتتەردىڭ الەۋمەتتىك بەيىمدەلۋىنە ارنالعان قولداۋ الاڭى بولماق. مەگاپوليسكە جاڭادان كەلگەن جاستار تۇراقتى جاتاقحانا نەمەسە پاتەر تاپقانشا وسى جەردە تۇرا الادى.
ALT ۋنيۆەرسيتەتىنىڭ بازاسىندا مۇنداي باستاما بۇعان دەيىن دە جۇزەگە اسقان بولاتىن. سوڭعى ءۇش جىلدا ونداعان ستۋدەنت وسىنداي ورتالىق ارقىلى باسپانامەن قامتىلىپ، العاشقى كۇندەرىندەگى قيىندىقتى ەڭسەرگەن. جاڭا نىساننىڭ اشىلۋى ونىڭ مۇمكىندىگىن كەڭەيتىپ، الدەقايدا كوبىرەك ستۋدەنتكە قولداۋ كورسەتۋگە جول اشادى. داعدارىس ورتالىعىنىڭ اشىلۋى – جاستارعا جاسالعان ناقتى قامقورلىقتىڭ ايقىن كورىنىسى. بۇل باستاما ولاردىڭ ۇلكەن قالاعا بەيىمدەلۋىن جەڭىلدەتىپ قانا قويماي، ءبىلىمىن ۇزبەي جالعاستىرۋىنا مۇمكىندىك بەرەدى.
• الماتىدا ستۋدەنتتەرگە ارنالعان جاڭا داعدارىس ورتالىعىنىڭ اشىلۋى – جاستارعا دەگەن مەملەكەتتىك قولداۋدىڭ تاعى ءبىر جارقىن قادامى بولىپ وتىر.
اقەركە ابىلايحان، ق ر عىلىم جانە جوعارى ءبىلىم مينيسترلىگى كوميتەت ءتوراعاسىنىڭ ورىنباسارى:
ناقتى كومەك ۇلگىسى
بۇگىن اشىلىپ جاتقان داعدارىس ورتالىعى – جاستارعا ناقتى كومەك كورسەتۋدىڭ ۇلگىسى. سونىمەن قاتار، الماتى قالاسىندا ستۋدەنتتەرگە ورىن تاپشىلىعى ماسەلەسى بار ەكەنىن دە جاسىرمايمىز. جالپى قازاقستان بويىنشا جاتاقحاناعا دەگەن سۇرانىس شەشىلگەنىمەن، الماتىدا تاپشىلىق ساقتالادى دەپ بولجاپ وتىرمىز. مىسالى، وتكەن جىلمەن سالىستىرعاندا الماتىداعى جوو-لاردى تاڭداعان تۇلەكتەردىڭ سانى 1600-گە ارتقان. بىلتىر 44 مىڭ تۇلەك بىتىرسە، بيىل 55 مىڭ تۇلەك ءتامامدادى. بۇل – ستۋدەنتتەر سانى جىلدان-جىلعا ءوسىپ كەلە جاتقانىن كورسەتەدى. ساراپتاماعا ءسايكەس، الماتىدا شامامەن 8 مىڭ ورىن جەتىسپەۋى مۇمكىن. بۇل دەگەنىمىز، ستۋدەنتتەر دالادا قالادى دەگەن ءسوز ەمەس. جوعارى وقۋ ورىندارى جەكەمەنشىك قوناقۇيلەر مەن حوستەلدارمەن كەلىسىم- شارت جاساسىپ، ستۋدەنتتەردى سول جەرگە ورنالاستىرادى. سونىمەن قاتار، جاتاقحاناعا ءبىرىنشى كەزەكتە الەۋمەتتىك وسال توپتارعا جاتاتىن جاستار (جەتىم بالالار، كوپبالالى وتباسىنان شىققاندار، قانداستار) جانە ءبىرىنشى كۋرس ستۋدەنتتەرى ورنالاستىرىلادى. سەبەبى، ۇلكەن قالاعا اۋىلدان كەلگەن جاستارعا ەڭ اۋەلى قولداۋ قاجەت.
مەرۋەرت جارماعانبەتوۆا، مۇحامەدجان تىنىشبايەۆ اتىنداعى ALT ۋنيۆەرسيتەتىنىڭ پرەزيدەنت-رەكتورى:
تاپتىرماس مۇمكىندىك
ءبىز ءۇشىن ستۋدەنتتەردىڭ قاۋىپسىزدىگى مەن جاعدايى – باستى نازاردا. بۇل ورتالىقتى ءۇشىنشى جىل قاتارىنان ۇيىمداستىرىپ كەلەمىز. جاڭا وقۋ جىلى قارساڭىندا ەلىمىزدىڭ تۇكپىر- تۇكپىرىنەن جاستار الماتىعا كەلەدى. اسىرەسە، العاشقى كۇندەرى ولاردىڭ قايدا تۇراتىنى اتا-انالار ءۇشىن دە، وزدەرى ءۇشىن دە ۇلكەن ۋايىم. ورتالىقتىڭ نەگىزگى مىندەتى – ستۋدەنتتەردى ۋاقىتشا تەگىن ورنالاستىرۋ. ولار تاۋلىكتىڭ كەز كەلگەن ۋاقىتىندا – ءتۇندە، تاڭەرتەڭ نەمەسە كەشكىسىن كەلە الادى. باستىسى، قينالعان ساتتە ولار جالعىز قالمايدى. بىزدە شامامەن 55 ورىن قاراستىرىلعان. مۇندا الماتىداعى كەز كەلگەن ستۋدەنت ورنالاسا الادى، قاي ۋنيۆەرسيتەتتىڭ ستۋدەنت ءى ەكەن ءى ماڭىزدى ەمەس . ستۋدەنتتەر بۇل جەردە تۇراقتى پاتەر تاپقانشا نەمەسە جاتاقحاناعا ورنالاسقانشا ۋاقىتشا تۇرادى.
ءازيز قاجدەنبەك، الماتى قالاسى جاستار ساياساتى باسقارماسىنىڭ باسشىسى:
ستۋدەنتتەردى باسپانامەن قامتۋ – ەرەكشە باقىلاۋدا
قالا اكىمى دارحان امانگەلدى ۇلى ستۋدەنتتەردى جاتاقحانامەن قامتۋ ماسەلەسىن ەرەكشە باقىلاۋدا ۇستاپ وتىر. جاقىندا مينيسترمەن بىرگە جول كارتاسىنا قول قويىلدى. ول قۇجاتتا الماتىداعى ستۋدەنتتەر ماسەلەسىن شەشۋگە ارنالعان ناقتى قادامدار كورسەتىلگەن. ءبىز جىل سايىن مونيتورينگ جۇرگىزەمىز. 27 ماۋسىم كۇنى العاشقى كەشەندى تەكسەرۋ وتكىزدىك. ەندى جاڭا وقۋ جىلى قارساڭىندا تاعى دا تەكسەرۋلەر جۇرگىزىلەدى. قوعام بەلسەندىلەرى، دەپۋتاتتار، ب ا ق وكىلدەرىمەن بىرگە جاتاقحانالاردىڭ جاعدايىن قاراپ، ستۋدەنتتەرگە قانشالىقتى جاعداي جاسالعانىن
