Kazakh Tourism باستاماسىمەن جانە ق ر تۋريزم جانە سپورت مينيسترلىگى مەن "اتامەكەن" ۇكپ قولداۋىمەن ۇيىمداستىرىلعان "ۇزدىك جاعاجاي" باعدارلاماسىنىڭ قورىتىندىسى شىعارىلدى، دەپ حابارلايدى aqshamnews.kz
بايقاۋدىڭ نەگىزگى ماقساتى – ەلىمىزدەگى سۋ ايدىندارىندا قىزمەت كورسەتۋدىڭ جانە قاۋىپسىزدىك ستاندارتتارىن ارتتىرۋ.
بيىل ساراپتامالىق كوميسسيانىڭ نازارىنا وڭىرلەردەن 30 استام جاعاجاي ۇسىنىلدى. ونىڭ ىشىندە جەكەمەنشىك ءارى قالالىق جاعاجايلار بولدى. باعالاۋ ق ر ست 3013-2017 ۇلتتىق ستاندارتىنا سايكەس جۇرگىزىلدى جانە حالىقارالىق Blue Flag باعدارلاماسىنىڭ جەكەلەگەن كريتەرييلەرى ەسكەرىلدى.
ىرىكتەۋ كەزىندە اكۆاتوريانىڭ قاۋىپسىزدىگى، سانيتارلىق جاعدايى مەن ينفراقۇرىلىمى، قۇتقارۋشىلار مەن مەديسينالىق بەكەتتەردىڭ بولۋى، سۋعا كىرۋدىڭ ىڭعايلىلىعى، اۋماقتى جوسپارلاۋ، سۋدىڭ ساپاسىن تۇراقتى تۇردە باقىلاۋ جانە قوقىستى بولەك جيناۋ، كۇن ەنەرگياسىمەن جۇمىس ىستەيتىن دۋش كابينالارى، ەكولوگيالىق ءبىلىم بەرۋ ءىس-شارالارىن قامتيتىن ەكولوگيالىق باستامالار ەسەپكە الىندى.
ساراپتامالىق كوميسسيانىڭ باعالاۋى بويىنشا توپ-3 ۇزدىك جاعاجايى انىقتالدى. ولار جيناۋعا مۇمكىن بولعان 170 بالل بويىنشا جوعارى كورسەتكىشتەردى يەلەندى:
Wyndham Garden Beach (اقمولا وبلىسى، بۋراباي ك.) –166 بالل؛
№5 قالالىق جاعاجاي (الماتى وبلىسى، قونايەۆ ق.) – 145،5 بالل؛
ورتالىق جاعالاۋ (پاۆلودار وبلىسى، پاۆلودار ق.) – 145 بالل.
ۇزدىك جاعاجايلار تازا ءارى ءقاۋىپسىز اكۆاتورياسىمەن، دامىعان ينفراقۇرىلىمىمەن (كيىم اۋىستىراتىن بولمەلەر، دۋش كابينالارى، دەمالىس ايماقتارى، ءدامحانالار)، بالالارمەن كەلەتىن وتباسىلارعا قولايلىعىمەن، تابيعاتتى ساقتاۋ ماقساتىنداعى ەكولوگيالىق شەشىمدەردى جانە باستامالاردى قولدانۋمەن ەرەكشەلەندى.
سونىمەن قاتار ساراپتامالىق كوميسسيا اقمولا (ششۋچينسك ق.، بۋراباي ك.، زەرەندى ا.)، قوستاناي، ماڭعىستاۋ، اتىراۋ، قاراعاندى، قىزىلوردا وبلىستارىنداعى جاعاجايلار بويىنشا وتىنىمدەردى قارادى. ولار بويىنشا اكىمدىكتەرمەن جانە بيزنەس قاۋىمداستىقپەن بىرگە ۇلتتىق جانە حالىقارالىق ستاندارتتارعا سايكەستەندىرۋ جۇمىستارىن جۇرگىزۋ جوسپارلانعان.
"ۇزدىك جاعاجاي" باعدارلاماسى – بۇل ەلىمىزدىڭ ەڭ ۇزدىك جاعاجايلارىن انىقتاۋ عانا ەمەس، سونىمەن قاتار وڭىرلەردى وزدەرىنىڭ دەمالىس ايماقتارىن حالىقارالىق ستاندارتتارعا سايكەس دامىتۋعا ىنتالاندىرۋ. اقمولا، اتىراۋ، قوستاناي، قاراعاندى جانە الماتى وبلىستارىنىڭ وڭىرلىك كاسىپكەرلەر پالاتالارى مەن اكىمدىكتەرىنە بەلسەندى ارىپتەستىك تانىتىپ، ءبىزدىڭ باستامانى قولداعاندارى ءۇشىن العىس بىلدىرەمىز. ۇزدىك توپ-3 قازىرگى جاعاجايدىڭ قانداي بولۋى قاجەت ەكەندىگىن كورسەتەدى: ءقاۋىپسىز، ىڭعايلى جانە ەكولوگيالىق تازا"، – دەپ اتاپ ءوتتى "Kazakh Tourism" ۇك" اق باسقارما ءتوراعاسىنىڭ مىندەتىن اتقارۋشى دانيەل سەرجان ۇلى.
ايتا كەتەيىك، "ۇزدىك جاعاجاي" باعدارلاماسى جىل سايىن وتكىزىلەتىن بولادى.