13 ەكوپوستتىڭ جۇمىسى قالپىنا كەلتىرىلدى
الماتىدا اۋا، توپىراق، سۋ جانە رادياسيا مولشەرى سىنامالارىنىڭ تالداۋىن جيناۋعا قاجەتتى ستاسيونارلىق ەكولوگيالىق پوستتاردى قالپىنا كەلتىرۋ جۇمىستارى باستالدى، دەپ حابارلايدى Almaty-akshamy.kz.
الماتى قالاسى جاسىل ەكونوميكا باسقارماسىندا حابارلاعانداي، بۇگىنگى تاڭدا 13 ەكوپوستتىڭ جۇمىسى قالپىنا كەلتىرىلدى. قالعان 6 ەكوپوست اقپان-ناۋرىز ايلارىنىڭ سوڭىنا دەيىن جۇمىسىن باستايدى. كوكتەم مەزگىلى باستالىسىمەن الماتىدا جىلجىمالى ەكولوگيالىق بەكەتتەر دە ءوز جۇمىسىن باستاماقشى.
ايتا كەتسەك، الماتىدا قاڭتار وقيعالارى كەزىندە بۇزاقىلار 13 ەكولوگيالىق پوستتى ورتەپ، 4 بەكەتتى سىندىرىپ، توناعان. تەك 2 بەكەت قانا امان قالعان بولاتىن.