دەرەكتەر مۇراعاتتان الىنعان
الماتىدا ساياسي قۋعىن-سۇرگىن قۇرباندارىن ەسكە الۋ كۇنىنە وراي "ۇستاز بەن شاكىرت" كىتابىنىڭ تۇساۋكەسەر ءراسىمى ءوتتى. جيناقتا زاڭعار جازۋشى مۇحتار اۋەزوۆ پەن ابايتانۋ عىلىمىنىڭ نەگىزىن سالۋشى قايىم مۇحامەدحانوۆتىڭ اراسىنداعى رۋحاني بايلانىس كورىنىس تاپقان، دەپ حابارلايدى Almaty-akshamy.kz.
ەڭبەك اۆتورى - قايىم مۇحامەدحانوۆتىڭ قىزى دينا مۇحامەدحان. دەرەكتەر مۇراعاتتان الىنعان. راسىندا قوس تۇلعا ۇستاز بەن شاكىرت ۇعىمىنىڭ جارقىن ۇلگىسىن كورسەتتى. ومىرلەرىنە ءقاۋىپ تونگەنىنە قاراماستان قازاق حالقىنىڭ جويىلىپ كەتە جازداعان ۇلتتىق مۇراسىن ساقتاپ قالدى. اتاپ ايتساق، 18-20 عاسىرلارداعى كانوندىق ماتىندەردەن باستاپ، ەپوس پەن فولكلوردى كەيىنگى ۇرپاققا اماناتتادى. وعان قوسا، اباي مەكتەبى مەن ءماتىنتانۋ سياقتى عىلىمنىڭ جاڭا باعىتىن اشتى. قايىم مۇحامەدحانوۆ ابايدىڭ تۇڭعىش مۇراجايىن قۇرىپ، "اباي-الاش" تۇجىرىمداماسىن جاسادى، دەپ حابارلادى "حابار 24".
"اۋەزوۆتى كورسەتسەڭ، سەنىڭ عىلىمي ەڭبەگىڭ دە ساقتالادى، بولاشاعىڭا كەڭ جول اشىلادى دەگەنگە قاراماي، ادالدىق تانىتىپ، سول زاماندا 50ء-شى جىلدارى قورعاعان ەڭبەگىن قايتادان تارك ەتكىزىپ، سول كەزدەگى ساياساتتىڭ اسەرىمەن 25 جىلعا باس بوستاندىعىنان ايىرىلىپ، كارلاگتا قاراعاندى لاگەرىندە وتكىزدى. ستالين ومىردەن وتكەنشە 4-5 جىل ءومىردىڭ ازابىن كورگەن كىسى"، - دەيدى جازۋشى داۋلەت سەيسەن ۇلى.
"ۇلكەن ءبىلىم جولىنا تۇسكەن ادامداردىڭ، سولاردىڭ اراسىنداعى ۇستازدىق شاكىرتتىك قاتىناس، ونى ءبىلۋىمىز كەرەك. ءبىلىم دەگەن ول-اقيقاتقا، ادىلەتتىلىككە جول ىزدەۋ. قايىم مۇحتار اعاسىنا زامانداس بولا ءبىلدى، ءىزباسار بولا ءبىلدى"، - دەيدى مەملەكەت جانە قوعام قايراتكەرى مۇرات اۋەزوۆ.