ماقسات – جاس ۇرپاقتىڭ بويىنا پاتريوتيزم مەن مەيىرىمدىلىك سەزىمىن قالىپتاستىرۋ.
الماتى مەملەكەتتىك قۋىرشاق تەاترىنىڭ اكتەرلەرى كوپ بالالى جانە از قامتىلعان وتباسىلاردىڭ بالالارىنا ارناپ ونەر كورسەتتى، دەپ حابارلايدى Almaty-akhamy.kz.
سپەكتاكلدى كورسەتۋدەگى نەگىزگى ماقسات – جاس ۇرپاقتىڭ بويىنا پاتريوتيزم مەن مەيىرىمدىلىك سەزىمىن قالىپتاستىرۋ.
«ەر توستىك» سپەكتاكلى قازاقتىڭ حالىق ەرتەگىسى نەگىزىندە قويىلعان. ونى قازاق ءتىلىنىڭ پوەتيكاسى مەن قۇندىلىعىنا زور ءمان بەرگەن قازاقستاننىڭ ەڭبەك سىڭىرگەن قايراتكەرى قاسىمحان بەگمانوۆ جازدى.
«ەر توستىك» – قۋىرشاق تەاترى رەپەرتۋارىنداعى جاڭا قويىلىمداردىڭ ءبىرى. سپەكتاكلدە اعالارىن زۇلىم ايداھاردان قۇتقارۋ ءۇشىن الىس ساپارعا شىققان جاس ساربازدىڭ وقيعاسى باياندالادى. بۇل جاعدايدا باستى كەيىپكەر جاقسىلىققا، ادىلەتتىلىككە سەنەدى جانە ءوز ماقساتتارىنان باس تارتپايدى.
ايتا كەتسەك، الماتى مەملەكەتتىك قۋىرشاق تەاترىنا كىرۋ Ashyq جۇيەسى ارقىلى جۇزەگە اسىرىلادى. ول ءۇشىن سيرك قىزمەتكەرىنە مارتەبەسىن راستايتىن Ashyq قوسىمشاسى ورناتىلعان بيلەتتى جانە ءموبيلدى قۇرىلعىنى ۇسىنۋ قاجەت. ءموبيلدى قۇرىلعى بولماعان جاعدايدا، تەاتر قىزمەتكەرىنە جسن ءنومىرىن ايتۋ قاجەت.
