15 قاراشادا الماتى قالاسىندا قازاقستان قارجىگەرلەرىنىڭ XII كونگرەسى وتەدى.
ءىس-شارانى قازاقستان ۇلتتىق بانكى مەن ق ر قارجى نارىعىن رەتتەۋ جانە دامىتۋ اگەنتتىگىنىڭ قولداۋىمەن قازاقستان قارجىگەرلەرى قاۋىمداستىعى ۇيىمداستىرادى، دەپ حابارلايدى aqshamnews.kz 24.kz-كە سىلتەمە جاساپ.
كونگرەستىڭ پانەلدىك سەسسيالارىندا قازاقستاننىڭ مەملەكەتتىك ورگان وكىلدەرى، بانكتەر مەن باسقا دا قارجى ينستيتۋتتارىنىڭ باسشىلارى قارجى سەكتورىن ليبەراليزاسيالاۋ ماسەلەلەرى مەن ونىڭ ەكونوميكالىق وسىمگە قالاي اسەر ەتەتىنىن تالقىلايدى. سونىمەن قاتار ماكروەكونوميكالىق ساياساتتىڭ باسقا دا اسپەكتىلەرىن قاراستىرادى.
سونداي-اق كونگرەستە ۇلتتىق سيفرلىق قارجى ينفراقۇرىلىمى مەن سيفرلىق تەڭگەنى دامىتۋ پەرسپەكتيۆالارى سارالانادى. بولشەك قارجى نارىعىن دامىتۋعا دا قاتىستى دارا سەسسيا وتەدى، ول حالىققا ارنالعان كرەديت، ساقتاندىرۋ جانە ينۆەستيسيا ونىمدەرىنە ارنالادى. كونگرەستە قارالاتىن تاعى ءبىر تاقىرىپ – كورپوراتيۆتىك سەكتوردى قارجىلاندىرۋ، ونىڭ مۇمكىندىكتەرى مەن ونداعى شەكتەۋلەر. قورىتىندى پانەلدىك پىكىرتالاس ينۆەستيسيالىق جانە ەنداۋمەنت قورلارىن دامىتۋ باعىتتارىنا ارنالادى. كونگرەسس باعدارلاماسىمەن ۇلتتىق بانكتىڭ سايتىندا تانىسۋعا بولادى. ايتا كەتەيىك، قازاقستان قارجىگەرلەرىنىڭ كونگرەسى ونلاين جانە وفلاين فورماتتا وتەدى.