2024 جىلعى 17 قىركۇيەك الماتى قالاسى، قازاقستان – ەكىنشى Qazaqstan IGF 2024: ينتەرنەتتى باسقارۋ جونىندەگى ۇلتتىق فورۋم 16 قازاندا الماتى قالاسىنىڭ جەتەكشى IT حابىندا، SmArtPoint-تە وتەدى.
بۇل ماڭىزدى وقيعا قازاقستاندا اشىق جانە ءقاۋىپسىز سيفرلىق كەڭىستىكتىڭ قۇرىلۋىنا ىقپال ەتەدى، دەپ حابارلايدى aqshamnews.kz.
ينتەرنەتتى باسقارۋ جونىندەگى جاھاندىق فورۋمنىڭ (The Internet Governance Forum، IGF) بولىگى رەتىندە IGF ۇلتتىق باستامالارى بىرىككەن ۇلتتار ۇيىمىنىڭ (بۇۇ) باس حاتشىلىعىنىڭ قولداۋىمەن وتكىزىلەتىن ءتورت قۇرلىقتاعى الەمنىڭ 106 ەلىندە ۇسىنىلعان.
Qazaqstan IGF - مەملەكەتتىك ورگاندار، جەكە سەكتور، ازاماتتىق قوعام جانە اكادەميالىق ورتانىڭ 200-دەن استام وكىلىنىڭ ينتەرنەت پەن كيبەرقاۋىپسىزدىككە قاتىستى كوپتەگەن ماسەلەنى تالقىلايتىن جىل سايىنعى بىرەگەي ۇلتتىق فورۋمى.
اتاپ ايتقاندا، شارادا مىناداي تاقىرىپتار قامتىلادى:
- تۇراقتى دامۋ ماقساتتارىن (تدم) ىسكە اسىرۋ ءتاسىلى رەتىندە ينتەرنەتتى كوپجاقتى باسقارۋ؛
- جاساندى ينتەللەكت داۋىرىندەگى قۇپيالىلىق؛
- كريپتوۆاليۋتالاردىڭ ەۆوليۋسياسى جانە ولاردى رەتتەۋ؛
- جەكە بايلانىس جەلىلەرى، سيفرلىق تەڭسىزدىكتى جەڭۋ؛
- پارلامەنتتىك باستاما: سيفرلىق زاڭنامانى كوديفيكاسيالاۋ؛
- قازاقستاننىڭ سيفرلىق بولاشاعىنداعى ايەلدەردىڭ ءرولى؛
- ونلاين پلاتفورمالاردى ۇلتتىق رەتتەۋ؛ جانە تاعى باسقالار.
بۇدان باسقا، ءىس-شارادا «Digital Rights Center Qazaqstan» (DRCQ) زاڭ فيرماسىنىڭ ساراپشىلارى جاساعان كورپوراتيۆتىك باسقارۋ، پىكىر ءبىلدىرۋ ەركىندىگى جانە قۇپيالىلىق بويىنشا كورسەتكىشتەردى ەسكەرە وتىرىپ، تەلەكوم، فينتەح جانە ە-commerce ءۇش سەكتورى بويىنشا «سيفرلىق قۇقىقتاردى ساقتاۋ رەيتينگى 2024» ناتيجەلەرى ۇسىنىلاتىن بولادى.
Qazaqstan IGF 2024 ۇيىمداستىرۋشىلارى:«Eurasian Digital Foundation» قورى جانە DRCQ بىرىككەن ۇلتتار ۇيىمى باس حاتشىلىعىنىڭ رەسمي قولداۋىمەن، قازاقستان رەسپۋبليكاسى سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنىڭ اقپاراتتىق قاۋىپسىزدىك كوميتەتىمەن، «Digital Paradigm» قق، Maqsut Narikbayev University جانە «BlockchainKZ» بلوكچەين تەحنولوگياسىن ازىرلەۋشىلەر مەن پايدالانۋشىلار قاۋىمداستىعىمەن سەرىكتەستىكتە.
IGF ۇلتتىق باستاماسى كوپجاقتى ديالوگ قۇرۋدى ىنتالاندىرادى جانە بۇۇ-نىڭ تۇراقتى دامۋ ماقساتتارىنا سايكەس كەلەدى #9 «ونەركاسىپ، يننوۆاسيا جانە ينفراقۇرىلىم» جانە #17 «تۇراقتى دامۋ ءۇشىن سەرىكتەستىك».