گازەتتىڭ العاشقى نومەرى 1913 جىلدىڭ 2 اقپانىنان باستاپ حالىققا جول تارتقان
بۇگىن ق ر مەملەكەتتىك ورتالىق مۋزەيىندە 2023 جىلدىڭ 24 اقپانىندا قازاق گازەتىنىڭ 110 جىلدىعىنا ارنالعان «قازاق گازەتى - ۇلتتىڭ ايناسى» كەش ءوتتى، دەپ حابارلايدى Almaty-akshamy.kz مۋزەيدىڭ باسپا ءسوز قىزمەتىنە سىلتەمە جاساپ.
«قازاق» گازەتى 1913-1918 جىلدارى ورىنبور قالاسىندا جاريالانىپ تۇرعان قوعامدىق-ساياسي جانە ادەبي-مادەني باسىلىم. گازەتتىڭ العاشقى نومەرى 1913 جىلدىڭ 2 اقپانىنان باستاپ حالىققا جول تارتقان.
حح عاسىر باسىندا قازاقتىڭ ۇلتتىق رۋحىن كوتەرگەن «قازاق» گازەتىنىڭ زيالى قاۋىم وكىلدەرىنىڭ توپ باستاۋشىسى، ۇلتتىڭ ۇلتتىعىن ساقتاۋدا بار كۇشىن سالعان ۇلت ۇستازى، كۇرەسكەر اقىن، قايراتكەر احمەت بايتۇرسىن ۇلىنىڭ ەڭبەگى زور.
مۋزەي ديرەكتورىنىڭ ورىنباسارى دانيار بايجۇمانوۆ «قازاقتىڭ كوزى، قۇلاعى جانە ءتىلى» بولعان تۇڭعىش ۇلتتىق گازەتىنىڭ تاريحىن، تاۋەلسىزدىك جولىندا اتقارعان مىندەتى مەن ماڭىزىن، ەڭ الدىمەن بۇگىنگى ۇرپاق ءبىلۋى ءتيىس»، - دەدى كىرىسپە سوزىندە.
شارادا تاريح عىلىمدارىنىڭ دوكتورى، ا.بايتۇرسىنوۆ مۋزەي-ۇيىنىڭ عىلىمي قىزمەتكەرى، اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ پروفەسسورى س.سماعۇلوۆا «قازاق گازەتىندەگى ۇلت ماسەلەلەرى»، ورتالىق مۋزەيىنىڭ «قازاقستان تاريحىن زەرتتەۋ» ءبولىمىنىڭ عىلىمي قىزمەتكەرى گ.جاپاقوۆا «ءنازيپا قۇلجانوۆا – تۇڭعىش قازاق ءجۋرناليسى» تاقىرىبىندا باياندامالار جاسادى.
ابىلاي حان اتىنداعى حالىقارالىق قاتىناستار جانە الەم تىلدەرى ۋنيۆەرسيتەتى، «تۇران» جانە ءال-فارابي اتىنداعى قازاق ۇلتتىق ۋنيۆەرسيتەتى جۋرناليستيكا فاكۋلتەتىنىڭ ستۋدەنتتەرى بايانداماشىلارعا ءا.جانگەلدينگە قاتىستى قوعامدا قالىپتاسقان پىكىرلەر، «قازاق» گازەتىنىڭ جابىلۋىنىڭ سەبەپتەرى، ت.ب. ساۋالدار قويىپ، تولىققاندى جاۋاپ الدى.
ءانشى داۋلەت ابۋشاكىر، مۋزەي قىزمەتكەرى بەيىمبەت ءامىروۆ كەشتى ادەمى انمەن ارلەپ، جىردان شاشۋ شاشىپ، ونەرىمەن كوپشىلىكتى ءتانتى ەتكەن بولدى.