الماتىدا جىل سايىنعى قازاندىقتاردى جوندەۋ ماۋسىمى باستالادى
جىلىتۋ ماۋسىمىنىڭ اياقتالۋىمەن الماتىدا قازاندىقتاردى جوسپارلى جوندەۋ باستالادى. بۇل شارالار كەلەسى قىستا جابدىقتى دايىنداۋ ءۇشىن قاجەت جانە نورماتيۆتىك تالاپتارعا سايكەس قاتاڭ تۇردە جۇزەگە اسىرىلادى، دەپ حابارلايدى aqshamnews.kz «الماتىجىلۋكوممۋنەنەرگو» ج ش س باسپا ءسوز قىزمەتىنە سىلتەمە جاساپ.
جالپى، مامانداردىڭ ايتۋىنشا، الماتىدا 2024-2025 جىلدارداعى جىلىتۋ ماۋسىمى جىلۋ شارۋاشىلىعىن ۋاقتىلى دايىنداۋ جانە جۇرگىزىلگەن جوندەۋ جۇمىستارىنىڭ ارقاسىندا تۇراقتى ءوتتى.
«الماتىتەپلوكوممۋنەنەرگو» ج ش س تەحنيكالىق قىزمەت كورسەتۋدى جانە جوندەۋدى ۇيىمداستىرۋ قاعيدالارىنا سايكەس بەكىتىلگەن كەستە بويىنشا جوندەۋ جۇمىستارىنا كىرىسەدى. وسىعان بايلانىستى كەيبىر ۋچاسكەلەردە ىستىق سۋمەن جابدىقتاۋدى ءماجبۇرلى تۇردە اجىراتۋ جۇرگىزىلەدى. قازاندىقتاردى توقتاتۋ جىلىنا ءبىر رەتتەن ءجيى ەمەس جۇزەگە اسىرىلادى. ءىرى نىسانداردا – «وربيتا»، «وڭتۇستىك-شىعىس»، «وڭتۇستىك» جانە «اقكەنت» - باسقا جىلۋ جەلىلەرىنە اۋىسۋ مۇمكىندىگى بار، بۇل ءوشىرۋدى بولدىرمايدى. الايدا كەيبىر قازاندىقتاردا ىستىق سۋ بەرۋدى ۋاقىتشا توقتاتۋ قاجەت:
· «№2 ەمحانا» قازاندىعى (مەدەۋ اۋدانى): 12-16 مامىر
· «تەح.ليسەي № 71» قازاندىعى (تۇركسىب اۋدانى): 12-16 مامىر
· «№85 مەكتەپ» قازاندىعى (تۇركسىب اۋدانى): 12-16 مامىر
· «13ء-شى اسكەري قالاشىق» قازاندىعى (تۇركسىب اۋدانى): 12 مامىردان 16 مامىرعا دەيىن
· «ۆولوچايەۆسكايا، 381» قازاندىعى (تۇركسىب اۋدانى): 19 مامىردان 23 مامىرعا دەيىن
· «سەيفۋللين №68ب» قازاندىعى (تۇركسىب اۋدانى): 19 مامىردان 23 مامىرعا دەيىن
· «بەسپاكوۆا» قازاندىعى (جەتىسۋ اۋدانى): 19 مامىردان 23 مامىرعا دەيىن
· «پرەمەرا» قازاندىعى (ناۋرىزباي اۋدانى): 9-16 ماۋسىم
· «جاس-قانات» قازاندىعى (تۇركسىب اۋدانى): 9-23 ماۋسىم
· «اۋەجاي» قازاندىعى (تۇركسىب اۋدانى): 9 ماۋسىمنان 3 شىلدەگە دەيىن
· «كوكجيەك» قازاندىعى (جەتىسۋ اۋدانى): 21 شىلدەدەن 8 تامىزعا دەيىن
ايتا كەتۋ كەرەك، اعىمداعى جىلى 43 شاعىن قازاندىقتى جوندەۋ جوسپارلانعان، وندا ىستىق سۋدى ءوشىرۋ ءبىر اپتادان اسپايدى.
جوندەۋدىڭ تولىق كەستەسىمەن atke.kz رەسمي سايتتان تانىسۋعا بولادى