بۇگىن الماتىدا ورتالىق ازيا ەلدەرى مەن رەسەي قاۋىپسىزدىك كەڭەستەرى حاتشىلارىنىڭ ءبىرىنشى كەزدەسۋى ءوتتى.
قازاقستان پرەزيدەنتى قاسىم-جومارت توقايەۆ فورۋمعا قاتىسۋشىلارعا ارناعان قۇتتىقتاۋ بەينە-ۇندەۋىندە ءقازىر ايماق ءۇشىن تۇراقتىلىقتى ساقتاۋ جانە قاۋىپسىزدىكتى نىعايتۋ اسا ماڭىزدى مىندەت ەكەنىن اتاپ ءوتتى، دەپ حابارلايدى Almaty-akshamy.kz
ياعني، قاۋىپ-قاتەردى بولجاۋ، الدىن الۋ شارالارىن جەدەل ازىرلەۋ جانە ساپالى جاڭا ينتەگراسيالانعان تاسىلدەر قاجەت. پرەزيدەنت كومەكشىسى، قازاقستان قاۋىپسىزدىك كەڭەسىنىڭ حاتشىسى عيزات نۇرداۋلەتوۆ ىنتىماقتاستىقتىڭ باسىم باعىتتارىن، ونىڭ ىشىندە اۋعانستانداعى جاعدايدى تۇراقتاندىرۋعا، كولىك جانە ازىق-تۇلىك قاۋىپسىزدىگىن قامتاماسىز ەتۋدە بىرلەسىپ ارەكەت ەتۋدى ۇسىندى. ەكوجۇيەنى ساقتاۋ، سۋ ماسەلەلەرىنە ەرەكشە نازار اۋدارىلدى.
سونىمەن قاتار عيزات نۇرداۋلەتوۆ پەن رەسەي قاۋىپسىزدىك كەڭەسىنىڭ حاتشىسى نيكولاي پاترۋشيەۆتىڭ توراعالىعىمەن ەكىجاقتى كەزدەسۋ ءوتتى. تاراپتار ورتالىق ازياداعى تەرروريزم مەن ءدىني ەكسترەميزمگە قارسى ءىس-قيمىل بويىنشا ىنتىماقتاستىقتى تالقىلاپ، قازىرگى گەوساياسي جاعدايعا باعا بەردى.